მანდარინის ჩაროზი

საჭირო მასალა: ჟელე – 100 გ მანდარინის პიურე, 50 მლ მანდარინის წვენი, 2 ს.კ. შაქარი, 1 ჩ.კ. ჟელატინი. შოკოლადის მუსი – 140 მლ რძე, 1 კვერცხი, 1 ს.კ. შაქარი, 200 გ შავი შოკოლადი, 250 გ ნაღები, 1 ჩ.კ. ჟელატინი.

მომზადება: მანდარინის წვენში დავალბოთ ჟელატინი. მანდარინის პიურეში ავურიოთ შაქარი, რომ კარგად გაიხსნას. ჟელატინი ცეცხლზე დავდგათ, გავადნოთ და შევურიოთ პიურეს. 40 მლ რძეში დავალბოთ ჟელატინი. კვერცხის გული და შაქარი კარგად ავთქვიფოთ და წვრილი ნაკადით ჩავასხათ 100 მლ მდუღარე რძეში. რძეს ვურიოთ, რომ არ აიჭრას. როდესაც ადუღებამდე მივა, გადმოვდგათ და შევურიოთ შოკოლადი. ნაღები კარგად ავთქვიფოთ და შევურიოთ შოკოლადიან მასას. ჟელატინი დავდგათ ცეცხლზე, გავადნოთ და დავუმატოთ შოკოლადის კრემს. ჭიქებში ჩავასხათ ჯერ მანდარინის ჟელე, ხოლო შემდეგ შოკოლადის მუსი და კარგად გავაციოთ, რომ გამაგრდეს.

© ღვინის კლუბი/Weekend