პომიდვრის მწნილი

საჭირო მასალა: 2,5 კგ საშუალო ზომის მწვანე ან მოვარდისფრო პომიდორი, 120 გ არაიოდირებული მარილი, 12 კბილი ნიორი, 2 ცალი დაფნის ფოთოლი, თითო კონა ქინძი და ოხრახუში, 1 ცალი ცხარე მწვანე წიწაკა, 2 ჩ.კ. ვარდისფერი ან შავი პილპილის მარცვლები, 1,5 ლ წყალი.

მომზადება: პომიდორი გავრეცხოთ და თითოეული ოთხად გავჭრათ. დიდ თასში ჩავყაროთ დაკეპილი ან წვრილად დაჭრილი ქინძი, ოხრახუში, ნიორი და წიწაკა. მწვანილისა და ნივრის მასას შევურიოთ პომიდორი. ქვაბში ავადუღოპთ წყალი, ჩავაყაროთ მარილი, პილპილი, დაფნის ფოთლები და 1 წუთის განმავლობაში ვადუღოთ. როდესაც მარინადი ოდნავ შეგრილდება (არ უნბდა გაცივდეს!), დავასხათ მომზადებულ პომიდორს, დავახუროთ სახურავი, ზემოდან დავადოთ სიმძიმე და 4 დღის განმავლობაში ოთახის ტემპერატურაზე გავაჩეროთ. ამის შემდეგ მოვათავსოთ ქილაში, დავასხათ თავისივე წვენი, დავახუროთYსახურავი და შევდგათ მაცივარში.

© ღვინის კლუბი/Weekend