პროფიტროლები ყველის გულსართით

საჭირო მასალა: გულსართისთვის - 1 ჭიქა ნაღები, 1 ჩ.კ. ფქვილი 300 გ ყველი “როკფორი,” 1 კონა კამა, მარილი წიწაკა - გემოვნებით. ცომისთვის -  120 მლ წყალი, 50 გ კარაქი, 80 გ ფქვილი, 4 ცალი კვერცხის გული, დანის წვერით - მარილი და შაქარი. 

მომზადება: კარაქი და წყალი ავადუღოთ, შევურიოთ ფქვილი, შაქარი, მარილი და ვურიოთ. როდესაც მასა შესქელდება და ქვაბის გვერდებს მიეკრობა, გადმოვდგათ ცეცხლიდან და შევათქვიფოთ კვერცხის გულები. ცომის პატარა ბურთულები მოვათავსოთ ცხიმწასმულ, ფქვილმოყრილ თუნუქის ფურცელზე და საშუალოდ გახურებულ ღუმელში 15 წუთით გამოვაცხოთ. წვრილად დაკეპილი კამა და ნაღები ავთქვიფოთ, დავუმატოთ ფქვილი და ყველი, შევანელოთ მარილით, წიწაკით და მოვათავსოთ გამომცხვარ პროფიტროლებში.

© ღვინის კლუბი/Weekend