ვალდორფის სალათა

საჭირო მასალა: 4 ს.კ. მაიონეზი, 2 ს.კ. ვაშლის წვენი, 1 ს.კ. თხელი თაფლი, 100 გ სქელი ნაღები, 500 გ ნიახურის ძირი, 2 ს.კ. ლიმონის წვენი, 3 ცალი მჟავე ვაშლი, 100 გ ნიგოზი, 1 ცალი ბროწეული, 200 გ სალათის ფოთლები, მარილი, პილპილი – გემოვნებით.

მომზადება: მაიონეზი, ვაშლის წვენი და თაფლი ავურიოთ. ნაღები ისე ავთქვიფოთ, რომ ძალიან არ გამაგრდეს. მაიონეზს შევურიოთ მარილი, პილპილი და ნაღები.

ნიახურის ძირი გავფცქვნათ და წვრილ ღერებად დავჭრათ. დავასხათ ლიმონის წვენი. ამავე ზომაზე დავჭრათ გულამოცლილი ვაშლები და ნიახურთან ერთად მომზადებულ სოუსს შევურიოთ. ასე გავაჩეროთ 1 საათი. ნიგოზი მოვხალოთ და მსხვილად დავჭრათ. გავარჩიოთ ბროწეული. სალათის ფოთლები გავრეცხოთ და შევაშროთ, შემდეგ ხელით დავაქუცმაცოთ. სალათის ყველა ინგრედიეტი ერთად ავურიოთ.

© ღვინის კლუბი /Weekend