სალათა “ვარდების თაიგული”

საჭირო მასალა: სალათისთვის:3 ცალი ჭარხალი, 2 ცალი სტაფილო, 2 ცალი კარტოფილი, 1 კონა მწვანე ხახვი, 1 ქაშაყის ფილე, 1 ქილა მაიონეზი, 1 კონა ოხრახუში,  მარილი, პილპილი - გემოვნებით.

ბლინებისთვის: 8 ს.კ. ფქვილი, 200 მლ მდუღარე წყალი, 200 მლ კეფირი, 1 კვერცხი, თითო მწიკვი მარილი, შაქარი და სოდა, 1 ს.კ. ზეთი.

მომზადება: კარტოფილი, სტაფილო და ჭარხალი მოვხარშოთ, გავაცალოთ კანი და მსხვილ სახეხზე გავხეხოთ. ქაშაყი დავჭრათ პატარა ნაჭრებად. 1 ცალი ჭარხალი გადავინახოთ. ზემოხსენებული პროდუქტები მაიონეზთან, წვრილად დაჭრილ ოხრახუშთან, მარილთან და პილპილთან ერთად ფენა-ფენა ჩავაწყოთ სასალათეში. სალათა მოვათავსოთ მაცივარში. მოვამზადოთ ბლინები – კვერცხი, შაქარი და მარილი გავტქვიფოთ, დავახათ მდუღარე წყალი და ისე, თქვეფა რომ არ შევწყვიტოთ, დავამატოთ კეფირი, სოდაარეული ფქვილი და ზეთი. ცომისგან გამოვაცხოთ ბლინები და შევაგრილოთ. დარჩენილი ჭარხალი წვრილ სახეხზე გავხეხოთ, შევურიოთ მარილი და პილპილი. ბლინებზე მოვათავსოთ ჭარხლის მასა, გადავახვიოთ რულეტივით და დავჭრათ. დაჭრილი ბლინები მოვათავსოთ სალათაზე და კიდევ ცოტა ხნით შევდგათ მაცივარში.

© ღვინის კლუბი/Weekend