სალათა ცეზარი

საჭირო მასალა:1 კონა სალათის ფოთოლი, ნახევარი ფრანგული ბაგეტი, 2-3 ს.კ. დაფხვნილი ყველი პარმეჯანო, 6 ს.კ. ზეითუნის ზეთი, 1 ცალი კვერცხი, 3 კბილი ნიორი, 2-3 ს.კ. ლიმნის წვენი, 150-200 გ მოხარშული ქათმის ფილე.

მომზადება: ბაგეტი დავჭრათ პატარა ნაჭრებად და ზეითუნის ზეთსა და ნიორთან ერთად შევბრაწოთ. თეფშს წავუსვათ დაჭყლეტილი 1 კბილი ნიორი და მოვასხათ ლიმნის წვენი, ზედ დავალაგოთ ხელით დაქუცმაცებული სალათის ფოთლები, დავამატოთ დაჭრილი ქათმის ფილე და კრუტონები (დაბრაწული პური).

კვერცხი 1 წუთით მოვათავსოთ მდუღარე წყალში, შემდეგ ზეითუნის ზეთთან ერთად ავთქვიფოთ და მოვასხათ სალათას, ზემოდან კი მოვაყაროთ გახეხილი ყველი.

© ღვინის კლუბი/Weekend