ქათმის მწვადი აზიურად

საჭირო მასალა: 1 ს.კ. ქინძის თესლი, 1 ღერი ლიმონის სორგო, 400 მლ ქოქოსის რძე, 0,5 ს.კ. პაპრიკა, 1 ს.კ. მარილი, 1 ს.კ. შაქარი, 2 ს.კ. საშუალო სიცხარის კარის ფხვნილი, 2 ცალი ქათმის მკერდის ფილე (თითო 180 გ), 100 გ მოხალული არაქისი, 2 ს.კ. არაქისის კარაქი, 3 ს.კ. ლაიმის წვენი, 2 ს.კ. სოიის სოუსი, 2 ს.კ. ზეთი.

მომზადება: ქინძის თესლი მსუბუქად დავნაყოთ და მოვხალოთ. ლიმონის სორგოს მოვაჭრათ 2/3 და რბილი ნაწილი დავკეპოთ. 200 მლ ქოქოსის რძე ქინძის თესლის ნახევარსა და ლიმონის სორგოსთან ერთად ავურიოთ. დავუმატოთ პაპრიკა, შაქარი, მარილი და 1 ს.კ. კარის ფხვნილი. ქათმის ხორცი 3 სმ. ზომის ნაჭრებად დავჭრათ და ქოქოსის მარინადი დავასხათ. ასე გავაჩეროთ 45 წუთის განმავლობაში. არაქისი დავკეპოთ. გავაცხელოთ დარჩენილი ქოქოსის რძე, დავუმატოთ არაქისი, არაქისის კარაქი, ქინძის თესლი, პაპრიკა და კარის ფხვნილი და 2 წუთი ვხარშოთ. ბოლოს შევურიოთ სოიის სოუსი და ლაიმის წვენი. ხის შამფურები 10 წუთით წყალში დავალბოთ, შემდეგ წამოვაცვათ ხორცის ნაჭრები და გაცხელებულ, ზეთდასხმულ ტაფაზე ყველა მხრიდან შევბრაწოთ მაღალ ტემპერატურაზე. მივირთვათ არაქისის სოუსთან ერთად.

© ღვინის კლუბი /Weekend