გამოქვეყნებულია: 29 იანვარი, 2013 - 12:37
საჭირო მასალა: 700 გ ქათმის ფილე, 55 გ ფქვილი, 1 კვერცხი, 150 გ საფანელი, ზეთი შესაწვავად. ზამთრის სალათისათვის – 450 გ წითელი კომბოსტო, 5-6 ცალი მწვანე ხახვი, 1 -2 ს.კ. ზეითუნის ზეთი, 1 ლიმონის წვენი, 1 ჩ.კ. მარცვლოვანი მდოგვი, მარილი - გემოვნებით.
მომზადება: ფქვილში ავურიოთ მარილი და პილპილი. ქათმის ფილე დავჭრათ თხელ ნაჭრებად, ამოვავლოთ მარილარეულ ფქვილში, შემდეგ გათქვეფილ კვერცხში და ბოლოს საფანელში. თუნუქის ფურცელზე წავუსვათ ცხიმი, დავაწყოთ საფანელიანი ქათმის ნაჭრები, მოვაპკუროთ ზეთი და შევდგათ ცხელ ღუმელში 15–18 წუთით. პარალელურად სალათისთვის თხლად დავჭრათ კომბოსტო და მწვანე ხახვი. ქილაში შევურიოთ ლიმონის წვენი, ზეითუნის ზეთი, მდოგვი, შევანჯღრიოთ, მოვასხათ სალათას და მოვაყაროთ მარილი.
© ღვინის კლუბი/Weekend
ბეჭდვა
თქვენი კომენტარი