კობრი ჩინურად

საჭირო მასალა: 650 გ კობრი, 150 გ სიმინდის სახამებელი, 2 კვერცხი, 1 ჩ.კ. ღვინის ძმარი, ზეთი – შესაწვავად, მარილი, თეთრი პილპილი – გემოვნებით.

სოუსისთვის – 6 ს.კ. ტომატ-პასტა, 0,5 ჭიქა წყალი, 1 ს.კ. საკე, 1 ს.კ. ბრინჯის ღვინის ძმარი, 2 ს.კ. შაქარი, 1 ჩ.კ. მარილი, 1 ს.კ. ზეთი, 2 კბილი ნიორი, 1 ჩ.კ. გახეხილი ჯანჯაფილი, 0,5 ჩ.კ. დაღერღილი წიწაკა. მწვანე ბარდა – მოსართავად.

მომზადება: თევზს მოვაჭრათ თავი. ფილე გავჭრათ და ამოვაცალოთ ფხები. ორივე ნაწილი კუდთან უნდა ერთდებოდეს. ფილეს ორივე ნაჭერი შიგნითა მხრიდან ღრმად დავსეროთ ბადისებურად. მოვაყაროთ Mმარილი და პილპილი, მოვასხათ 1 ჩ.კ. თეთრი ღვინის ძმარი. ამოვავლოთ ჯერ კვერცხში, შემდეგ სახამებელში და ზეთში შევწვათ. ასევე შევწვათ თევზის თავიც.

მოვამზადოთ სოუსი: ტომატ-პასტა, წყალი, საკე, ბრინჯის ღვინის ძმარი, შაქარი და მარილი ავურიოთ. ზეთში მოვშუშოთ წვრილად დაჭრილი ნიორი და ჯანჯაფილი. 30 წამში დავუმატოთ სოუსი, დაღერღილი წიწაკა და როცა მოდუღებამდე მივა, გადმოვდგათ ცეცხლიდან. ლანგარზე მოვათავსოთ თევზი, მივუდოთ თავი, მოვასხათ სოუსი და მოვრთოთ მწვანე ბარდით.

© ღვინის კლუბი/Weekend