Home
ქართული | English
მაისი 2018
ორშსამოთხხუთპარშაბკვი
30123456
78910111213
14151617181920
21222324252627
28293031123

მულტიმედია

კომენტარები

ტრადიციული ქართული საღვინე ჭურჭელი

19 ივნისს საქართველოს გეოგრაფიული საზოგადოების დარბაზში ღვინის კლუბის ტრადიციული ლექცია-სემინარების ციკლი გაგრძელდა მკვლევარ გიორგი ბარისაშვილის ლექციით – "ქართული ტრადიციული საღვინე ჭურჭელი".
გიორგი ბარისაშვილი უკვე მრავალი წელია იკვლევს ქართული ტრადიციული საღვინე ჭურჭლის ისტორიულ-ეთნოგრაფიულ საკითხებს. მეცნიერული ნაშრომებისა და ისტორიული წყაროების შესწავლის პარალელურად, იგი ბევრს მოგზაურობს საქართველოს სხვადასხვა კუთხეში და უშუალოდ ადგილზე ეცნობა, სად და როგორ არის შემორჩენილი ყოფაში ესა თუ ის ჭურჭელი. 
ღვინის კლუბისთვის მომზადებულ მოხსენებაში გიორგი ბარისაშვილმა ისაუბრა თიხის, სპილენძის, ხის, ტყავის ტრადიციული ქართული საღვინე ჭურჭლის სახეებზე, მათი დამზადების მეთოდებზე. 
თასი, ჯამი, ჯამფილა, ფიალა, წაფი, ჩაფი, დოქი, გოზაური, კოკა, ჭარიკა, ხელადა, ტოლჩა, მარანი, ჭინჭილა, ორჭინჭილა, სამტანა, ხელქოთანა და სხვა თიხისგან დამზადებული ჭურჭლის მრავალი სახეობა სპეციალისტებს მიუთითებს, რომ საქართველოში მეღვინეობა უძველესი დროიდან არსებობს. შესაბამისად, ათასწლეულებს ითვლის თიხისგან საღვინე ჭურჭლის დამზადების ტრადიციები, რასაც არქეოლოგიური აღმოჩენებიც ადასტურებს.
გიორგი ბარისაშვილის თქმით, ავგარდანი, კოჭობი, ხაპირი, ბადია და სპილენძისგან დამზადებული სხვა ტრადიციული საღვინე ჭურჭელი ასევე ინტენსიურად გამოიყენებოდა როგორც სამარნე, ისე სასუფრე დანიშნულების ჭურჭლად. ხისგან ამზადებდნენ კასრებს, ჩანებს, კათხებს და სხვა ჭურჭლებს ან დამხმარე სამარნე ხელსაწყოებს. არანაკლებ საინტერესოა ტყავისგან ისეთი საღვინე ჭურჭლის დამზადების ტრადიციები, როგორიც ძირითადად ღვინის ტრანსპორტირებისთვის იხმარებოდა. ერთ-ერთი ასეთი ჭურჭელია რუმბი, რომელიც ხარის, კამეჩის ერთიანი ტყავისგან მზადდებოდა და მე-19 საუკუნის ბოლომდე ფართოდ გამოიყენებოდა დიდი რაოდენობით ღვინის ტრანსპორტირებისათვის. ერთ რუმბში, ზოგჯერ 500–600 ლიტრი ღვინო ჩადიოდა. 
ტრადიციული საღვინე ჭურჭლის დამზადების პარალელურად ვითარდებოდა მათი მორთვისა და ხარისხის გაუმჯობესების ტექნოლოგიები. იყვნენ ოსტატები, რომლებიც ფლობდნენ თიხის ჭურჭლის მოჭიქვის, სპილენძის ჭურჭლის მოკალვის, ტყავის ჭურჭლის კუპრით დამუშავების ტექნიკას. 
გიორგი ბარისაშვილმა გულისტკივილით აღნიშნა, რომ უნიკალური ტექნოლოგიები ჩვენს თვალწინ იკარგება, რადგან ოსტატები ღრმად მოხუცებულები არიან, მათი საქმის გამგრძელებელი შეგირდები კი არ ჩანან. 
ლექციის დასასრულს ღვინის კლუბის წევრებმა და სტუმრებმა გიორგი ბარისაშვილის მიერ 3-4 წლის წინ ვაზის იშვიათი 110 ქართული ჯიშისგან დაწურული ღვინო გასინჯეს. 
 
© ღვინის კლუბი/vinoge.com


ბოდიშის მოხდით ვაკეთებ მცირედ ჩასწორებას. როგორც ჩანს (დაღლილობის გამო)არასწორი ინფორმაცია წარმოვთქვი სემინარის დროს... კერძოდ: "ერთ რუმბში, ზოგჯერ 5-6 ტონა ღვინო ჩადიოდა" რომ წერია უნდა ეწეროს: 500 - 600 ლიტრი ღვინო ჩადიოდა... უკაცრავად.


მადლობა შენიშვნისთვის ქვევრი, ჩავასწორე. ეტყობა არ მივაქციე ციფრებს ყურადრება და მექანიკურად გადავიკითხე ნიუსი, თორე ამ შენიშვნის გარეშეც ჩავასწორებდი :)


გაიხარე, თორე ვინმე იფიქრებდა ეს რუმბი კამეჩისაა თუ ტირანოზავრისო:)


საუკეთესო რუმბებს თურმე ბრონტოზავრებისგან ამზადებდნენ ძველი ქართველები :)ტირანოზავრს უხეში ტყავი ჰქონია, ვერ ამუშავებდნენ და ვერც კუპრავდნენ :) 



მალხაზს ვეთანხმები, საუკეთესო რუმბები ბალახისმძოველებისგან მზადდებოდა :-)


პრონტოზავრი – იტალიელი ბრონტოზავრი :)



ისე სპილოზე არ გიფიქრიათ? მთელი მარანი ღვინო ჩავა შიგ თავისი მეღვინიანად. ღვინის გამოსაშვები ხორთუმიდან ექნება თავისთვად..


ხოდა ეშვებიდან ყანწები გამოვა... :)))



ბრონტოზავრზე უნდა მოგახსენოთ- ჩვენს რესტორანში ("ძველი თბილისის გალავანი" ბარათაშვილზე) კედელზე დაგვხვდა უზარმაზარი ტყავის დეკორატიული პანო, ზომა დაახლოებით 3x3 მეტრზე. ნაკერი არა აქვს.დღემდე ვერ გამოვიცანით რისი ტყავია.მოკლედ, ვაცხადებთ კონკურსს-ვინც გამოიცნობს და დაასაბუთებს რისი ტყავია, პრიზის სახით მიიღებს ვახშამს ორ პერსონაზე ღვინის შეუზღუდავი რაოდენობით!


აქლემი იქნება


კუზი არა აქვს:)


კუზები და კვერცხები არ ითვლება, თორემ ზოგ ცხოველს კუზისხელა კვერცხი აქვს და ზოგს კი კვერცხისხელა კუზი...


kaia

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.