როჯერ ფედერერი - შამპანურის სახლის სახე

მსოფლიო ჩოგბურთის ლეგენდა, დიდი შლემის ტურნირის 17-გზის გამარჯვებული როჯერ ფედერერი შამპანურის სახლ Moët & Chandon-ის სახე ხდება. მან უკვე მოაწერა ხელი კონტრაქტს და მომავალი წლის გაზაფხულიდან უკვე კომპანიის ბრენდ-ამბასადორის ამპლუაში მოგვევლინება. ,,ჩემთვის დიდი პატივია ასეთი შემოთავაზება, რადგან Moët & Chandon–ის სახედ გახდომა ნიშნავს, რომ ლეგენდარული ტრადიციების სახე ვიქნები. შამპანური Moët & Chandonყოველთვის იყო მოდის კანონმდებელი და მეამაყება, რომ ამ ბრენდის ნაწილი ვხდები”, - განაცხადა სპორტსმენმა. “როჯერ ფედერერი იმ ფასეულობების განსახიერებაა, რომლებიც ჩვენი სახლის მრავალსაუკუნოვან ტრადიციებთან ასოცირდება, ესენია: ბრწყინვალე მიღწევები, დიდსულოვნება და სტილის მომნუსხველი გრძნობა“ -  განაცხადა Moët & Chandon-ის პრეზიდენტმა და გენერალურმა დირექტორმა სტეფან ბასკერამ. როჯერ ფედერერის სპეციალურ სარეკლამო ფოტოსესიაზე ცნობილმა ფოტოგრაფმა პატრიკ დემარშელმა იმუშავა. აღსანიშნავია, რომ კომპანია Moët & Chandonსაერთაშორისო საჩოგბურთო ტურნირების: მსოფლიო ტურის ATP (ATP World Tour),  მსოფლიო ტურის ფინალის ATP (ATP World Tour Finals), საფრანგეთის ღია ჩემპიონატის (The French Open),მასტერსის სერიის შანხაის ტურნირის (Shanghai Masters) და ამერიკის შეერთებული შტატების ღია ჩემპიონატის (The US Open) სპონსორია.

© ღვინის კლუბი/Weekend