მეცნიერებმა ჯერ კიდევ 2006 წელს ივარაუდეს, რომ გლობალური დათბობის გამო რეგიონში ძალიან მოიმატებს ტემპერატურა და ნაპას ველზე გაშენებული ვენახები შეიძლება, უბრალოდ, გახმეს. ამერიკელ მევენახეებსა და მეღვინეებს არ სჯერათ ამ წინასწარმეტყველების, მათ მონაცემთა გადასამოწმებლად და შემდგომი კვლევებისთვის ფრანგ მეცნიერს - საფრანგეთის სოფლის მეურნეობის ეროვნული ინსტიტუტის (INRA)თანამშრომელს, ბერნარ სეჟიუნს მიმართეს. მეცნიერმა, გააანალიზა რა შექმნილი სიტუაცია, განაცხადა, რომ ნაპას ვენახების მიმართ დასმული პესიმისტური დიაგნოზი მხოლოდ რამდენიმე მეტეოსადგურის მონაცემებს ეყრდნობოდა და, ამდენად, ვარაუდი მათი შესაძლო გახმობის შესახებ გადაჭარბებულია. ფრანგი მეცნიერის მიერ ჩატარებულმა განმეორებითმა კვლევამ აჩვენა, რომ გასული ათწლეულის განმავლობაში რეგიონში ტემპერატურამ, ფარენგეიტის შკალით, მხოლოდ 1-2 ერთეულით თუ მოიმატა. თანაც, ეს ცვლილება მხოლოდ ღამის ტემპერატურაზე აისახა.
ზოგიერთი კლიმატოლოგი თვლის, რომ ნაპას ველზე ტემპერატურა კი არ მოიმატებს, პირიქით, დაიკლებს – ოკეანიდან მონაბერი გრილი ჰაერის ნაკადი ხომ სწორედ მისი გავლით აღწევს შიდა ტერიტორიებამდე.
© ღვინის კლუბი/Weekend
ბეჭდვა
თქვენი კომენტარი