გამოქვეყნებულია: 19 თებერვალი, 2014 - 19:53
ესპანელმა დიზაინერებმა მრავალფუნქციური ბოთლი-ტრანსფორმერი შექმნეს. Pure Bottle სამი ნაწილისაგან შედგება: ჭიქა, შანდალი (სასანთლე) და კოვზი. იმისათვის, რომ ამ სამი ნივთით ისარგებლოთ, ერთი მარტივი მოძრაობით ბოთლი სამ ნაწილად უნდა დაშალოთ.
ბოთლის ძირი შეგიძლიათ გამოიყენოთ ჭიქად, რომლიდანაც ნებისმიერი სასმელი შეგიძლიათ მიირთვათ, შუა ნაწილი სასანთლეა, რომელიც სანთლის ალს ქარისაგან დაიცავს, მესამე ნაწილი - ბოთლის ყელი კი კოვზად გამოგადგებათ. ასეთი კოვზი მოსახერხებელია ნებისმიერი საკვების - გნებავთ ხიზილალის, გნებავთ შვრიის ფაფის - მისართმევად.
ასაწყობი ბოთლი გადამუშავებული ნედლეულისაგან არის ჩამოსხმული, თითოეული ნაწილის კიდეები კი საგანგებოდ არის დამუშავებული, რომ მომხმარებელმა ხელი არ გაიჭრას.
© ღვინის კლუბი /Weekend
თემა:
ბეჭდვა
თქვენი კომენტარი