გამოქვეყნებულია: 26 აპრილი, 2014 - 19:57
ლუდის ისტორიაში პირველად სასმელს ხელყუმბარის ფორმის ბოთლში ჩამოასხამენ. ამ წამოწყების ინიციატორი ამერიკული ლუდსახარში Rogue Ales & Spirits-ია. კომპანია უკვე 25 წელია ლუდის ბაზარზე მყარად არის დამკვიდრებული. მათი პროდუქცია 41 ქვეყანაში და ამერიკის სამხედრო-საავიაციო ბაზების მაღაზიებში იყიდება. კომპანიის წარმომადგენლები განმარტავენ, რომ ასეთი ფორმის ჭურჭლით ისინი ამერიკელი სამხედროებისადმი პატივისცემას გამოხატავენ. “ჩვენ მხოლოდ ლუდს კი არ ვხარშავთ, არამედ ვამყარებთ ურთიერთობებს. წლების განმავლობაში ჩვენ თანადგომას ვუცხადებდით ჩვენი ქვეყნის სამსახურში მდგარ სამხედროებს.” ლუდის "ხელყუმბარები", რომლებიც 4-ბოთლიანი შეფუთვით გაიყიდება, ბაზარზე 1 ივნისიდან გამოჩნდება.
© ღვინის კლუბი /Weekend
თემა:
ბეჭდვა
თქვენი კომენტარი