კანადელი ალკოჰოლიკები ღვინოსა და ლუდს დაამზადებენ

ძნელად დასაჯერებელია, მაგრამ ვანკუვერში ერთ-ერთ არაკომერციულ ორგანიზაცია Portland Hotel-ში ალკოჰოლიკებს ღვინისა და ლუდის დამზადებას ასწავლიან. ამ სოციალური პროგრამის წამოწყების მიზეზი ის გახლდათ, რომ ხშირად ალკოჰოლიკები, რომელთაც სასმელი შემოაკლდებათ, დასათრობად სამედიცინო სპირტს და სხვა სადეზინფექციო საშუალებებს იყენებენ, რაც ორგანიზმისთვის მავლენებელია. “კარგი იქნებოდა, ეს ხალხი საერთოდ რომ არ სვამდეს, მაგრამ რადგანაც ამას ვერ გადავაჩვიეთ, მაშინ უკეთესი იქნება, თუ ნორმალურ ალკოჰოლურ სასმელს დალევენ და არა სადეზინფექციო საშუალებებს,” – განმარტავს Portland Hotel-ის აღმასრულებელი დირექტორი, მარკ თაუნსენდი. მას შემდეგ, რაც ალკოჰოლიკების დაწურული ღვინო დუღილს დაასრულებს, მათ უფლება ექნებათ თავიანთი დამზადებული სასმელი შინ წაიღონ.  

© ღვინის კლუბი /Weekend