ჯგუფი Iron Maiden საკუთარი ელის ჩამოსხმას იწყებს

ჰევი-მეტალის შემსრულებელმა ბრიტანულმა ჯგუფმა Iron Maiden-მა ლუდის საკუთარი ბრენდი შექმნა. ამ “მეტალის” ელს, რომელსაც მუსიკოსებმა თავიანთი ერთ-ერთი კომპოზიციის სახელი - The Trooper  დაარქვეს, კომპანია Robinsons Brewery აწარმოებს. ბოთლის იარლიყზე ჯგუფის სიმბოლო - მონსტრი ედია გამოსახული, რომელიც Iron Maiden-ის ალბომებსაც ამშვენებს და დროდადრო კონცერტებზეც “ახალისებს” სცენას.

ჯგუფის ვოკალისტმა ბრუს დიკინსონმა განაცხადა, რომ Iron Maiden დიდი ბრიტანეთის სიმბოლოა და ამიტომ მათ სრული უფლება აქვთ, ნამდვილი ბრიტანული ლუდის სიმბოლოებიც გახდნენ. ლუდი The Trooper მაისიდან უკვე მთელ მსოფლიოში გაიყიდება. Iron Maiden-ს ხვა ბრიტანულმა ბენდებმაც მიბაძეს - ალკოჰოლური სასმელების საკუთარი ბრენდი უკვე AC/DC და Motorhead-მაც დაარეგისტრირეს.

© ღვინის კლუბი/Weekend