იაპონელებმა მორიგი ექსპერიმენტი ჩაატარეს და ლუდს ხარშვისას სპილოს მიერ გადამუშავებული ყავის მარცვლები დაუმატეს, ამ საუცხოო სასმელს კი “შოკოლადის ლუდი” დაარქვეს. საოცარია, მაგრამ მყიდველებს სულაც არ ეხამუშათ ეს ფრიად უცნაური ინგრედიენტი და ლუდი დახლზე გამოტანიდან რამდენიმე საათში დაიტაცეს. იმისათვის, რომ ლუდი მუქი ფერის გამოსულიყო და სუნიც შოკოლადის ჰქონოდა, იაპონელმა მელუდეებმა ყავის მარცვლები ჯერ სპილოს აჭამეს, მოანელებინეს, განავლიდან გამოარჩიეს, შემდეგ კი გარეცხეს, დაფქვეს და ლუდის წარმოებაში გამოიყენეს. რაც მთავარია, მათ არა თუ დამალეს ეს ამბავი, არამედ ლუდის იარლიყზე სპილო გამოსახეს, რომელიც ყავის მარცვლებს მიირთმევს. მართალია, ექსპერიმენტული ლუდის პირველი პარტია დიდი წარმატებით გაიყიდა, მაგრამ სპილოს განავლით გაგემრიელებული სასმლის მასობრივ წარმოებაში ჩაშვებას მწარმოებლები არ გეგმავენ.
© ღვინის კლუბი/Weekend
ბეჭდვა
თქვენი კომენტარი