ცნობილმა ამერიკელმა მუსიკოსმა ბი ბი კინგმა საკუთარი სახელობის ორი ღვინო გამოუშვა: B.B. King Signature Collection Red2010 – წითელი ღვინო გარნაჩას, სირასა და კაბერნე სოვინიონის კუპაჟი და B.B. King Signature Collection White 2011- ვერდეხოსაგან დაწურული თეთრი ღვინო. ღვინოები ესპანეთის სამხრეთ რეგიონში, მარან Bodega Santa Cruz-ში დაწურეს და პირველად მომავალ კვირას ამერიკაში - მემფისსა და ნეშვილში გაყიდიან. მსურველებს საშუალება ექნებათ ღვინო სულ რაღაც 13,99 აშშ დოლარად, B.B. King's Blues Club-სა და სხვა კლუბებში, რესტორნებსა და ვინოთეკებში შეიძინონ. უნდა აღინიშნოს, რომ Bodega Santa Cruz-ი უკვე 60 წელია ალმანსაში, კასტილია-ლა-მანჩაში ფუნქციონირებს. ადგილობრივი ყურძნის ჯიშებიდან ყველაზე ცნობილი გარნაჩა-ტინტორერაა, რომელსაც ღვინის მოყვარულები ესპანეთის გარეთ ალიკანტე-ბუშეს სახელით იცნობენ.
© ღვინის კლუბი/Weekend
ბეჭდვა
თქვენი კომენტარი