გამოქვეყნებულია: 15 აპრილი, 2010 - 14:39
გერმანელმა მეცნიერებმა მრავალწლიანი დაკვირვების შედეგად დაადგინეს, რომ თეთრი ღვინო წითელზე მეტად ვნებს კბილებს. როგორც აღმოჩნდა, ეს ფაქტი თეთრი ღვინის შედარებით მაღალი მჟავიანობით აიხსნება. ექსპერიმენტისთვის გუტენბერგის უნივერსიტეტის მეცნიერებმა ზრდასრულ ადამიანთა მოცვლილი კბილები გამოიყენეს. მათ კბილები ერთი დღით თეთრ ღვინოში ჩადეს. აღმოჩნდა, რომ ამ ხნის განმავლობაში კბილის მინანქარი 60 მიკრომეტრის სიღრმეზე დაზიანდა, რაც საკმაოდ შემაშფოთებელი მაჩვენებელია. როგორც აღმოჩნდა, ყველაზე მეტად კბილებს შუშხუნა ღვინო აზიანებს, ყველაზე ნაკლებად კი – ბურგუნდიასა და რიოხაში ჩამოსხმული წითელი ღვინო.
მეცნიერები გვირჩევენ, კბილების დაზიანების თავიდან ასაცილებლად ღვინოს ყოველთვის მივაყოლოთ ყველი, რომელიც კალციუმის მაღალი შემცველობის წყალობით, ანეიტრალებს Mღვინოში შემავალი მჟავების მოქმედებას. მარწყვისა და სხვა ხილის ღვინოსთან ერთად მირთმევა კი პირიქით, მჟავების მოქმედების გააქტიურებას უწყობს ხელს. ასე რომ, ზომიერად მიირთვით ღვინო და, რაც მთავარია, სწორად შეუხამეთ იგი საკვებს.
© ღვინის კლუბი/“Weekend“
ბეჭდვა
თქვენი კომენტარი