თბილისი - ღვინის ქალაქი - მსოფლიოს საუკეთესო ქალაქების ათეულში

რამდენიმე დღეა, რაც მსოფლიოს თავგადასავლების მოყვარულთა მეგზურის Lonely planet მიერ მომზადებული ქალაქების წიგნი The Cities Book - 2nd edition გამოჩნდა. წიგნში მსოფლიოს 200 ქალაქია თავმოყრილი, საუკეთესო ათეულში კი თბილისი დაასახელეს, ქალაქი, სადაც ღვინის მოყვარულებს მსოფლიოში საუცხოო ღვინოების გასინჯვა ელით.

ისტორიის, არქიტექტურის, მუზეუმების და გალერეების, სამზარეულოს და ღვინის მოყვარულებისთვის, ველური ბუნების და საუცხოო სანაპიროების, ოჯახთან ერთად მოგზაურობის თუ საუკეთესო ყავის გასინჯვის მსურველთათვის, მოგზაურთა სხვადასხვა ინტერესის სფეროს მიხედვით, შერჩეულია მსოფლიოს ქალაქები: ნაირობი, მელბურნი, ჩარლსტონი, ჩიკაგო, ლონდონი, ადის აბება, ჩიკაგო, ბარსელონა, თბილისი. წერენ, რომ საქართველოს დედაქალაქი ყველა ღვინის მოყვარულს მოხიბლავს.

საუკეთსო ქალაქების ამ ათეულს  Harper's Bazaar UK-მა ვიდეო რგოლიც მიუძღვნა.

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი