Home
ქართული | English
აგვისტო 2019
ორშსამოთხხუთპარშაბკვი
2930311234
567891011
12131415161718
19202122232425
2627282930311

მულტიმედია

კომენტარები

ღვინო Iniesta: ფეხბურთის ვარსკვლავი პროფესიის გამოცვლაზე ოცნებობს

ანდრეს ინიესტა, სამხრეთაფრიკული მუნდიალის ფინალის გამარჯვების გოლის ავტორი აცხადებს, რომ სპორტული კარიერის დასრულებისთანავე სერიოზულად დაკავდება მეღვინეობით. ამისაკენ პირველი ნაბიჯები მან უკვე გადადგა. რამდენიმე წლის წინ საფეხბურთო კლუბ "ბარსელონას" და ესპანეთის ნაკრების 26 წლის ვარსკვლავმა 9 მილიონი ევრო დახარჯა ვენახების შესაძენად და კასტილია ლამანჩას რეგიონში მარნის მოსაწყობად. პირველი ღვინო Bodega Iniesta-საგან გაყიდვაში უკვე შემოდგომაზე გავა.
ინიესტა გეგმავს გამოუშვას პრემიუმ კლასის 700 ათასი ბოთლი წითელი, თეთრი და ვარდისფერი ღვინო და იმედი აქვს, რომ მისი სახელი გავლენას იქონიებს ღვინის წარმატებაზე არა მხოლოდ ესპანეთში, გერმანიაში, ინგლისსა და იაპონიაში. ევროპის რესტორნებში ღვინო 40 ევრო ეღირება.
ვიდრე ანდრესი ტყავის ბურთს დასდევს, წარმოებას მისი მამა ხოსე ანტონიო მართავს. ის ყოველ ეტაპს ყურადღებით აკვირდება ვენახშიც და მარანშიც, რომელიც უახლესი, თანამედროვე დანადგარებითაა აღჭურვილი.
ფინანსურად ინიესტას ყველაფერი რიგზე აქვს - მშობლიურ "ბარსელონაში" ხელფასთან ერთად მან სოლიდური პრემია აიღო ევროპის 2008 წლის და მსოფლიოს 2010 წლის ჩემპიონატებზე გამარჯვებისთვის.
ინიესტას ოჯახი მეღვინეობას არა მხოლოდ ჰობად აღიქვამს, ეს მათთვის ბიზნეს-პროექტიც გახლავთ. "ჩემი ვაჟის მიერ ჩადებულ ყოველ 10 ევროზე მე მას 11 უნდა მოვუტანო, ჩვენ აქ ძალიან კარგ ღვინოს ვაკეთებთ" - აცხადებს ხოსე ანტონიო. თავად ანდრეასი კი აცხადებს, რომ სურს შექმნას ღვინო, რომელიც შეძლებს გაუწიოს კონკურენცია მეზობელი რიოხას საუკეთესო ნიმუშებს.
© ღვინის კლუბი/Weekend



კაი ტიპია ინიესტა უდავოდ! ახლა წარმოვიდგინე, რთველს მთელი ესპანეთის ნაკრები რომ შეესევა :)))))))))


და არც მაგის ღვინო მაინტერესებს. ბლატერს დაალევინოს ეგ ღვინო :))


ინიესტაღა მაკლდა კონკურენტად რაა:))))))))))))))


არ გაგვიგოს, თორე შენს ჯინაზე ეგეც ჩინურს დააყენებს :))


აცალეთ ბიჭს, ჯერ დაასრულოს საფეხბურთო კარიერა,მერე შაფიცავს ვენახსა... :)))))))))

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.