ცქრიალა ღვინოების მწარმოებელმა ცნობილმა ფრანგულმა კომპანია Louis Roederer-მა და დიზაინერმა ფილიპ დი მეომ შეზღუდული რაოდენობით გამოუშვეს შამპანურის პარტია, რომლისთვისაც სრულიად განსხვავებული და საოცრად დახვეწილი ჭურჭელი შექმნეს. შამპანური Cristal 2002 3-ლიტრიან ბოთლში (ჟერობოამი) ჩამოასხეს, თავად ჭურჭელი კი საუცხოოდ მოკაზმეს - ბოთლი 24-კარატიანი ოქროს ბადით არის დაფარული. ერთი ასეთი ბოთლის შესაქმნელად 2 ოსტატის 4-დღიანი შრომაა საჭირო. თავად მწარმოებლების თქმით, Cristal-ის ეს პარტია იუველირ-ოსტატთა მრავალწლიან ტრადიციასა და გამოცდილებაზე დაყრდნობით შეიქმნა. ალკოჰოლური სასმლისთვის მსგავსი ძვირფასი ჭურჭელი ადრეც შექმნილა: კონიაკი Louis XIII Rare Cask 42,6ვარდისფერი ოქროთი გაწყობილ შავი ბროლის დეკანტერში ჩამოასხეს; 45 ათას დოლარად შეფასებულ შამპანურ De Watere-სკი ბრილიანტის თვლით გაწყობილი 24-კარატიანი ოქროს მონეტა ამშვენებს.
© ღვინის კლუბი/Weekend
ბეჭდვა
თქვენი კომენტარი