წელს უკვე მეხუთედ ჩატარდა ღვინის ყოველწლიური საერთაშორისო დეგუსტაცია Femmes et Vins du Monde (მსოფლიოს ღვინოები და ქალები), რომელშიც მონაწილეობას მხოლოდ ქალები იღებენ. დეგუსტაცია, ტრადიციულად, მონტე-კარლოში იმართება. მას ესწრებიან ქალი სომელიეები, მეღვინეები, ენოლოგები, ღვინის სფეროში ჩაბმული ბიზნესმენები. დეგუსტაციის სტუმრებიც კი ქალები არიან. წლევანდელი დეგუსტაციის გამარჯვებული და, შესაბამისად, ქალთა რჩეული ღვინო გახდა ბერძნული წარმოების, შემაგრებული ტკბილი ღვინო Samos Anthemis Grand Cru 2005. მეორე ადგილზე ორი ღვინო გავიდა: სამხრეთ ავსტრალიური Wakefield Estate's Jaraman Shiraz 2009 და ბორდოული La Rosee de Ramage 2010.
დეგუსტაციაში 24 ეროვნების წარმომადგენელი ქალბატონები მონაწილეობდნენ, მათ დაახლოებით 300 სახეობის ღვინო დააგემოვნეს.
© ღვინის კლუბი/Weekend
ბეჭდვა
თქვენი კომენტარი