გამოქვეყნებულია: 20 ივნისი, 2011 - 13:54
ჰონკონგში გამართულ Christie'sმორიგ ღვინის აუქციონზე ღვინო Chateau Latour პირდაპირ ციხე-სიმაგრის სარდაფებიდან, საერთო ჯამში 7,5 მილიონ დოლარად გაიყიდა. ამრიგად, ამ ლოტმა გასული წლის შემოდგომაზე Sotheby'sაუქციონზე 8,5 მილიონ დოლარად გაყიდული Chateau Lafite მაინც ვერ დაჯაბნა.
რვა საათის განმავლობაში მიმდინარე აუქციონზე სულ 392 ლოტი გაიყიდა. ყველა ღვინო ბორდოს მარნებიდან იყო წარმოდგენილი.
ჰონკონგის აუქციონის შედეგები ბოლო დროს სულ უფრო მეტად ანცვიფრებს მსოფლიოს - მაგალითად, მისი ერთ-ერთი ლოტი - 1961 წლის ექვსი მაგნუმი 230 ათას დოლარად გაიყიდა, ამ ფასად კი დიდი ბრიტანეთში სამოთახიანი ბინის შეძენაა შესაძლებელი. აუქციონზე 1982, 1997, 2008 და 2009 წლის მოსავლის ღვინოებიც იყო გამოტანილი და ისინიც ძალიან სარფიანად გაიყიდა.
© ღვინის კლუბი/Weekend
ბეჭდვა
თქვენი კომენტარი