ანონსი – გადაჭრილ გორაზე ჩატარებული უახლესი არქეოლოგიური გათხრების შესახებ

ხვალ, სამშაბათს, 28 ივნისს, საქართველოს ღვინის კლუბი გიწვევთ მნიშვნელოვან ლექციაზე. საქართველოს ეროვნული მუზეუმის მთავარი კურატორი, მინდია ჯალაბაძე ისაუბრებს გადაჭრილ გორაზე ჩატარებული უახლესი არქეოლოგიური გათხრების შესახებ.
შეგახსენებთ, 2016 წლის 6 მაისიდან 12 ივნისამდე, „ქართული ვაზისა და ღვინის კულტურის სამეცნიერო კვლევის“ პროექტის ფარგლებში, რომელიც ხორციელდება ღვინის ეროვნული სააგეენტოს მხარდაჭერით, სოფელ იმირთან (მარნეულის მუნიციპალიტეტი) მდებარე ნეოლითურ ნასახლარზე მიმდინარეობდა არქეოლოგიური გათხრები საქართველოს ეროვნული მუზეუმისა და ტორონტოს უნივერსიტეტის თანამშრომლობით. 
შეხვედრა გაიმართება ეროვნული ბიბლიოთეკის 3 კორპუსის მთავარ აუდიტორიაში.
დასაწყისი 19:00 სთ-ზე.