“ქართული ღვინოები ევროპას იპყრობს” - გერმანული ჟურნალი ქართული ღვინის შესახებ

გერმანელმა ჟურნალისტმა და ღვინის ექსპერტმა ანეტ კონრადმა, თავის სტატიაში „Weine aus Georgien erobern den Rest von Europa“, ყურადღება გაამახვილა საქართველოს ღვინის უძველეს კულტურასა და ავტოქტონურ ჯიშებზე. იგი აღნიშნავს, რომ საქართველო, როგორც უძველესი ღვინის კულტურის ქვეყანა, დამსახურებულად იკავებს მნიშვნელოვან ადგილს ევროპულ ღვინის რუკაზე. საქართველოს ღვინის ტრადიციები უძველეს პერიოდს, 8000 წლამდე, მიეკუთვნება, ხოლო ქვევრის მეთოდი, ღვინის მომზადების ტრადიცია და ტექნოლოგია, დღემდე განსაკუთრებულ ადგილს იკავებს ღვინის წარმოების პროცესში.

სტატიაში განსაკუთრებული ყურადღება ეთმობა რქაწითელსა  და საფერავს: “რქაწითელი – თეთრი, ცოცხალი და საინტერესო, ერთ-ერთი გამორჩეული ქართული ჯიშია, რომელიც მთელ მსოფლიოში ცნობილია თავისი ცოცხალი ხასიათით. საფერავი კი, რომელსაც წითელი ღვინოებისთვის იყენებენ, გამოირჩევა მდიდარი ფერითა და კომპლექსური არომატით, რომელიც განსაკუთრებული თვისებებითაა ცნობილი.”

კონრადი ხაზს უსვამს, რომ საქართველომ, მიუხედავად პოლიტიკური და ეკონომიკური გამოწვევებისა, შეძლო და არაერთი წარმატებული საექსპორტო ურთიერთობა დაამყარა ევროპულ ბაზრებთან.  შემდეგ კი მისთვის რჩეულ ღვინოებს ახასიათებს:

1. Schuchmann Wines Georgia, კლასიკური სტილის რქაწითელი: "ეს სტილი საუკეთესოა რქაწითელის ჯიშის ღვინოში, გამოირჩევა ცოცხალი მჟავიანობითა და ხილის არომატით, როგორიცაა ვაშლი და ციტრუსი."

2. Makharebeli Winery, 2018 Cuvée Rkatsiteli Mtsvane: "გამოირჩევა ჩალისფერი შეფერილობითა და კომპლექსური არომატით, რაც გამოიხატება ვაშლის კურკებისა და კაკლის ნოტებში."

3.  Keburia Winery, რქაწითელი ქვევრი: "კარამელის არომატი აქვს და მკაფიო ტანინები, კაკლის ნოტები და მსუბუქი მჟავიანობა."

4. Askaneli, Muza 2019:  რქაწითელის, მწვანესა და ქისის ნაზავი. ოქროსფერი ღვინო კარამელის და ხმელი გარგრის ნოტებით. მტკიცე ტანინები, კაკლის ნოტები და თეთრი პილპილის არომატი, განსაკუთრებით უხდება ხორცის კერძებს”

5. Andronikashvili’s Marani, Kisi 2020: სურნელოვანი არომატები მარციპანის და გარგარის ნოტებით. მტკიცე ტანინები, თუმცა მჟავიანობა შედარებით დაბალი.

6. Dakishvili, Family Selection Kisi Qvevri 2022: "გამოირჩევა მსხლის და ვაშლის მწიფე ნოტებით და კაკლის არომატით. მტკიცე ტანინები აქვს და მსუბუქი, ცოცხალი მჟავიანობა."

7. Levani’s Marani, Saperavi Qvevri 2019 - “დახურული” არომატი, რომელიც დროთა განმავლობაში ვითარდება. მცენარეული ნოტები, მტკიცე ტანინები. შესანიშნავია ხორცის კერძებისთვის, განსაკუთრებით მოუხდება ცხვარს."

ავტორი აღნიშნავს, რომ ეს ღვინოები გამოირჩევა როგორც ტრადიციული, ასევე თანამედროვე მეღვინეობის მეთოდებით, რაც მათ უნიკალურ და საინტერესო ხასიათს ანიჭებს. სტატიაში ასევე წერს, რომ კახეთი, და კერძოდ თელავი, საქართველოს ღვინის წარმოების ერთ-ერთი ყველაზე მნიშვნელოვანი რეგიონია. ავტორი საუბრობს ისეთ ჯიშზე, როგორიცაა ქისი, რომლის მრავალფეროვანი არომატი და გემური თვისებები, მას მართლაც განასხვავებს სხვა ღვინოებისგან. 

"ჩვენი ღვინო არის ჩვენი კულტურის და ტრადიციის ნაწილი. ის, რაც მილიარდობით წელი არსებობს, სწორედ ეს არის ჩვენი ძალა და იდენტობა" - წერს სტატიის დასასრულს.  

© ღვინის კლუბი/vinoge.com