23 ივნისს თბილისის ეთნოგრაფიული მუზეუმი "ნატურალური ღვინისა და კერძების ფესტივალს" უმასპინძლებს.
ფესტივალი ტრაგიკულად დაღუპული ახალგაზრდა მეღვინის ვახტანგ ფაღავას ხსოვნას ეძღვნება. ფესტივალის ორგანიზატორები ვახოს მეგობრები არიან, რომლებიც ქვევრის ღვინისა და ქართული სამზარეულოს პოპულარიზაციისა და მხარდაჭერის მიზნით წელს უკვე მეორედ ატარებენ ამ ღონისძიებას.
ფესტივალში მონაწილეობას მიიღებენ ყველასთვის უკვე კარგად ნაცნობი და ახალი მცირე მარნები საქართველოს სხვადასხვა კუთხიდან. თბილისის საუკეთესო ღვინის ბარ-რესტორნები კი სტუმრებს ღვინოსთან შეხამებულ კერძებს შესთავაზებენ. ფესტივალზე ქართული ხელნაკეთი ნივთების გამოფენა-გაყიდვაც გაიმართება. ფესტივალის მუსიკა: DJ Noxiron, იაშვილი, Vikea Witched, ოთო ბერძენიშვილი, შოთა საგანელიძე.
ფესტივალის მხარდამჭერია ღვინის ბარი g.Vino, ჯიპიაი ჰოლდინგი, თბილისის ეთნოგრაფიული მუზეუმი. ფესტივალის მეგობარია მოძრაობა KAR.GE.
პირველი "ნატურალური ღვინისა და კერძების ფესტივალი" შარშან ჩატარდა და სტუმრების დიდი მოწონება დაიმსახურა. წლევანდელი ფესტივალი უფრო წარმომადგენლობითი იქნება და ბუნებრივი ღვინის მოყვარულებს ბევრ სიახლეს ჰპირდება.
დასაწყისი:18:00
ბილეთის ფასი: 7 ლ.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი