გამოქვეყნებულია: 26 თებერვალი, 2014 - 19:21
33.50 ლარი
10 თვე მუხაში დავარგებული ეს საფერავი თბილღვინოს უკვე ტრადიციად ქცეული რეზერვების სერიის მორიგი ნიმუშია. ახალი ღვინოა, საღი, ცოცხალი გარეგნობით (ალუბლისფერი, შინდისფერი რკალით) და ხილისა და კენკრის სასიამოვნო სურნელით. ყველაზე ცხადად დაჭყლეტილი ალუბლის არომატებს იგრძნობთ, რომელიც დიდხანს გრძელდება და გემოში მუხის ნაზი და ზომიერი კვალით გვირგვინდება. ძლიერი ტანინები კიდევ უფრო ახანგრძლივებს ღვინისგან მიღებულ შთაბეჭდილებას. სასურველია რამდენიმე წელი დაავარგოთ ღვინო.
© ღვინის კლუბი /Weekend
თემა:
ბეჭდვა
თქვენი კომენტარი