43.00 ლარი
ქვევრში დაყენებული ქისია, 2006 წლის ქისზე შედარებით უფრო ეფექტური და სავსე. სხივიანი ქარვისფერი ღვინოა, ჩამავალი მზისფერი. გემოში კარგად ჩანს თეთრი ბლისა და კაკლის მურაბის ტონები. ღვინომ 6 თვე მუხის კასრებში გაატარა, რაც სურნელზე მეტად გემოში ჩანს. ძლიერი ღვინოა, სხეულიანი, სავსე, კარგი მისაყოლებელი იქნება ინდაურის საცივთან, ნიგვზიან კუჭმაჭთან.
2012 წლის 19 დეკემბრის დახასიათება
ძალიან სასიამოვნო გარეგნობის მქონე, ცეცხლისფერი ღვინოა. კახური, ტრადიციული, ქვევრში დაყენებული ქისია, რომელმაც მუხის კასრებშიც გაატარა გარკვეული დრო. სურნელებში ნიგვზის ზეთის, გარგრის დაბრაწული ჩირის, უნაბისა და მუხის მძლავრი კვალი ჩანს. საკმაოდ ძლიერი ღვინოა, სხეულიანი, ტანინებით სავსე. შესაძლოა ეს ღვინო კარგი მისაყოლებელი იყოს შებოლილ სულგუნთან, სუნელებში მოხარშულ საქონლის ხორცთან.
© ღვინის კლუბი/Weekend
ბეჭდვა
თქვენი კომენტარი