გამოქვეყნებულია: 3 იანვარი, 2011 - 19:13
გასულ წელთან შედარებით, გაცილებით გაიზარდა “ხოხბის ცრემლების” ასორტიმენტი. წელს ამ კომპანიის მეღვინის ხელიდან უკვე სამი დასახელების კახური ტიპის ღვინო გამოვიდა, რომლის პრეზენტაციაც, სხვა ღვინოებთან ერთად, წელს, 8 მაისს, “ღვინის კლუბის” მიერ ორგანიზებულ “ახალი ღვინის ფესტივალზე” მოხდა. რქაწითელთან და ქისთან ერთად, ერთ-ერთი ყველაზე გამორჩეული სწორედ მანავში დაკრეფილი მწვანე კახურის ჯიშის ყურძნიდან დაყენებული კახური ღვინოა. იგი ქვევრში დადუღდა და დაძველდა, ტრადიციული კახური ტექნოლოგიით. ფერზე სხივიანი ქარვისფერია, არომატზე კი პირველ რიგში ქონდრისა და სხვა სუნელების ძალიან ეფექტური ტონები ახასიათებს. ახალი ღვინოა, განვითარების კარგი პოტენციალით. კარგი მისაყოლებელი იქნება შემწვარ ქათამთან, ბუღლამასთან, შემწვარ სოკოსთან.
© ღვინის კლუბი/Weekend
თემა:
ბეჭდვა
თქვენი კომენტარი