გამოქვეყნებულია: 29 მაისი, 2009 - 02:28
ქინძმარაულის მიკროზონაში მოწეული საფერავიდან დაწურული ეს ძლიერი და ხასიათიანი მშრალი ღვინო ჯერ კიდევ ახალია. ფერშიც, სურნელებშიც და გემოშიც ჩანს საფერავის ჯიშური მომენტები. ძალზე ინტენსიური მწიფე ალუბლისფერია, აქვს ალუბლის მურაბისა და მაყვლის ტონები, თუმცა წინა პლანზე მაინც პირველადი მცენარეული სურნელები გამოდის. ძალზე შინაურული, გემრიელი, სხეულიანი და ტანინებით მდიდარი ღვინოა. შეგვიძლია ვივარაუდოთ, რომ სწორი შენახვის პირობებში, ღვინოს კარგი პოტენციალიც აქვს. საუკეთესო მისაყოლებელი იქნება სუკის მწვადთან, სტეიკთან, ყაურმასთან, კუპატთან, გრილზე შემწვარ ძეხვეულთან.
© მადიანი/vinoge.com
თემა:
ბეჭდვა
თქვენი კომენტარი