ვინტაჟური პორტვეინი ალბათ მსოფლიოს ყველაზე სიცოცხლისუნარიანი და დავარგების უზარმაზარი პოტენციალის მქონე ღვინოა. ეს კონკრეტული ღვინო 1985 წლის მოსავლისაა, რომელიც ერთ–ერთი ყველაზე გამორჩეული იყო. Taylor's–ის ამ ღვინოს ძალიან ბევრი ჯილდო აქვს მიღებული, მათ შორის, წელს დეკანტერის კონკურსზე ოქრო მოიპოვა. ღვინო დაყენებულია ტრადიციული პორტოს ჯიშებიდან – ტურიგა ნასიონალი, ტურიგა ფრანკა და სხვ. ამ 28 წლის ღვინოს გარეგნობაშივე ეტყობა დაძველება, თუმცა იგი კიდევ დიდხანს განვითარდება. ბროწეულისფერია, მოყავისფრო რკალით, საკმაოდ გამჭვირვალე. ძალიან კონცენტრირებული სურნელი აქვს, სადაც ტკბილი სუნელები (მიხაკი, დარიჩინი) გამოდის წინა პლანზე. ძალიან ხანგრძლივი დაბოლოება აქვს და ძლიერ შთაბეჭდილებას ტოვებს. გემოზე ჯერ კიდევ ცოცხალი და ხალისიანია, ძალზე დამაინტრიგებელი. ბევრი ლექი აქვს და დალევამდე აუცილებლად სჭირდება დეკანტირება.
© ღვინის კლუბი/vinoge.com
ბეჭდვა
თქვენი კომენტარი