Home
ქართული | English
ივლისი 2024
ორშსამოთხხუთპარშაბკვი
1234567
891011121314
15161718192021
22232425262728
2930311234

შეიძინეთ ჩვენი წიგნები ღვინის მაღაზიებში

მულტიმედია

კომენტარები

საქართველოს მარნები რუსული კანონის წინააღმდეგ

საქართველოს პარლამენტის თავმჯდომარეს,
ბ-ნ შალვა პაპუაშვილს,

საქართველოს პარლამენტის
აგრარულ საკითხთა კომიტეტის თავმჯდომარეს,
ქ-ნ ნინო წილოსანს,

საქართველოს პარლამენტის 

აგრარულ საკითხთა კომიტეტის თავმჯდომარის
პირველ მოადგილეს, ბ-ნ გელა სამხარაულს

საქართველოს პარლამენტის
აგრარულ საკითხთა კომიტეტის თავმჯდომარის
მოადგილეს, ბ-ნ სამველ მანუკიანს

საქართველოს მარნების
წარმომადგენელთა მიმართვა

ჩვენ, საქართველოს მარნების წარმომადგენლები მივიჩნევთ, რომ საქართველოს პარლამენტში უმრავლესობის დეპუტატების მიერ ინიციირებული კანონპროექტი უკიდურესად დააზიანებს საქართველოში ღვინის სექტორს - მევენახეებს, ღვინის მწარმოებლებს, არასამეწარმეო ორგანიზაციებს, მათ შორის, ასოციაციებს, მეღვინეთა ასოციაციებსა და გილდიებს, რომლებიც ადვოკატირებენ დარგში მოქმედი სუბიექტების, განსაკუთრებით, მიკრო, მცირე და საშუალო მეწარმეების ინტერესებს, და/ან უზრუნველყოფენ მათი შესაძლებლობების გაძლიერებას.

მოგახსენებთ, რომ აშშ-ს საერთაშორისო განვითარების სააგენტო (USAID), გაეროს სურსათისა და სოფლის მეურნეობის ორგანიზაცია (FAO), გაეროს განვითარების პროგრამა (UNDP), გერმანიის საერთაშორისო თანამშრომლობის საზოგადოება (GIZ) და სხვა საერთაშორისო მისიები და პროგრამები საქართველოში, ათწლეულების მანძილზე უძღვებოდნენ მევენახეობა-მეღვინეობის დარგის განვითარების არაერთ მასშტაბურ, გარდამტეხ პროექტს და ერთგულად ემსახურებოდნენ ჩვენი სახელმწიფოს ინტერესებს.

სწორედ უცხოური ორგანიზაციების მხარდაჭერით დაარსდა საქართველოში ღვინის საერთაშორისო სტანდარტების ლაბორატორია, შეიქმნა საქართველოს ვენახების კადასტრი, განხორციელდა მსოფლიოს მასშტაბით აკრედიტებული საგანმანათლებლო პროგრამები (WSET), ჩატარდა ქართული თიხის სრულყოფილი, მეცნიერული კვლევა და დადგინდა ქვევრის შესაბამისობა სურსათის უვნებლობის საერთაშორისო სტანდარტებთან მიმართებით. რუსეთის მიერ ქართული ღვინის ემბარგოს პერიოდში მათი უდიდესი ძალისხმევით, საერთაშორისო მედიასთან და იმპორტიორ კომპანიებთან მჭიდრო თანამშრომლობით, გახდა შესაძლებელი დიდი მეღვინეობების ახალ ბაზრებზე წვდომა, მათ შორის, ისეთ დიდ და მიმზიდველ ბაზარზე, როგორიც ამერიკის შეერთებული შტატებია.

საერთაშორისო პროგრამების ფარგლებში, დონორი ორგანიზაციების მხარდაჭერით, არაკომერციულ ორგანიზაციებთან თანამშრომლობით, გაძლიერდა, ან დაარსდა არაერთი მიკრო, მცირე და საშუალო მეღვინეობა. სხვადასხვა პროექტების ფარგლებში შესაძლებელი გახდა მათი ინფრასტრუქტურული მხარდაჭერა, ტექნიკური აღჭურვა, მევენახეებისა და მეღვინეების ახალი, სამეურნეო ცოდნით უზრუნველყოფა, მათი პოპულარიზაცია, მათი ღვინის ექსპორტის მხარდაჭერა, წვდომა ღვინის მოხმარების თვალსაზრისით ისეთ მნიშვნელოვან ბაზრებზე, როგორებიცაა გაერთიანებული სამეფო, იაპონია, აშშ, საფრანგეთი, გერმანია, დანია და სხვ.

ამ უდიდესი ძალისხმევის შედეგად დღეს ქართული ღვინოები ღვინის სამშობლოს წარადგენს საერთაშორისო გამოფენებზე და წარმოდგენილია მსოფლიოს უმაღლესი რეიტინგის რესტორნების ღვინის ბარათებში. ამ უდიდესი ძალისხმევის შედეგად გაიცნო მსოფლიომ ქართული ვაზის იშვიათი, ენდემური ჯიშები, ღვინის ადგილობრივი ტრადიციები, საქართველოს მევენახეობის საუკეთესო ზონები და ტერუარები. ბოლო წლებში, ამგვარი წარმატებული მაგალითებით შთაგონებული არაერთი მეურნე დაუბრუნდა სოფელს და მამა-პაპათა ტრადიციულ საქმეს სამეწარმეო ღირებულება შესძინა.

საქართველო ღვინის სამშობლოდ მსოფლიომ აღიარა, სწორედ, ჩვენი უცხოელი მეგობრების - ერთი მხრივ, მსოფლიოს წამყვანი უნივერსიტეტების მიერ ადგილობრივ მეცნიერებთან თანამშრომლობით წარმართული საერთაშორისო კვლევების, მეორე მხრივ კი - გავლენიანი მედიების (BBC, NY Times, CNN, Forbes და მრავალი სხვა) მხარდაჭერით. შესაბამისად, საქართველოში და მის ფარგლებს გარეთ მოქმედი უცხოური ორგანიზაციების დახმარებით, სახელმწიფო და არასამეწარმეო სუბიექტების ძალისხმევით გახდა შესაძლებელი ქართული ღვინის ახალი, ავთენტური, საბჭოთა კლიშეებისგან თავისუფალი ხატის დაბადება. მათივე მხარდაჭერით გახდა შესაძლებელი  რუსეთის არასტაბილური, პოლიტიზებული ბაზრის მიღმა, დამოუკიდებელი გზების გაკვალვა ჩვენი ბუნებრივი, ისტორიული და ცივილიზაციური გარემოსკენ, რომელთანაც ღვინის დიდი ტრადიციები გვაკავშირებს.

მოგიწოდებთ, არ დაუჭიროთ მხარი აღნიშნულ კანონპროექტს, წინააღმდეგ შემთხვევაში:

1) ყურძნისა და ღვინის, აგრეთვე, ვაზის ნერგების მიკრო, მცირე და საშუალო მწარმოებლები დაკარგავენ საერთაშორისო დონორებისა და არასამეწარმეო ორგანიზაციებისგან ფინანსურ, ინფრასტრუქტურულ, ტექნიკურ, საგანმანათლებლო დახმარებაზე წვდომის შესაძლებლობას;

2) ღვინის სექტორში მოქმედი, დამოუკიდებელი პროფესიული ასოციაციები, კომუნები, გილდიები დაკარგავენ შესაძლებლობას, მიიღონ საერთაშორისო დაფინანსება და განკარგონ ეს ფინანსები დარგისა და დარგში მოქმედი მეწარმეების საჭიროებების შესაბამისად - კვლევითი თუ საგანმანათლებლო მიზნებით, მეწარმეების ინტერესების ადვოკატირებისთვის, ღვინის ფესტივალებისა თუ გამოფენებისთვის;

ევროკავშირის სადამფუძნებლო პრინციპების საწინააღმდეგო კანონის მიღება შექმნის რისკებს, რომ ევროპულ ბაზარზე რეპუტაციული ზიანი მიადგეს ქართულ ღვინოს და, ზოგადად, ქართულ პროდუქციას. ეჭვქვეშ დადგეს ქართული ღვინის პოპულარიზაციის მიზნით განხორციელებული ხანგრძლივი და თანმიმდევრული სახელმწიფო პოლიტიკა; ღვინის სექტორში დასუსტდეს და გაქრეს სამოქალაქო ორგანიზაციები, რომლებიც დღემდე, უმეტესად, საერთაშორისო ფინანსური მხარდაჭერით სულდგმულობენ; შეწყდეს ღვინის მცირე და საშუალო ბიზნესის შეუქცევადი, წარმატებული განვითარება საქართველოში და უამრავი მარანი ეგზისტენციური საფრთხის წინაშე დადგეს.

პარლამენტის თითოეული წევრი, განსაკუთრებით კი, აგრარულ საკითხთა კომიტეტის ხელმძღვანელები და წევრები, კარგად უნდა აცნობიერებდეთ ამ  შესაძლო რისკებს და მკვეთრად, ქმედითად, წინ აღუდგეთ საქართველოს პარლამენტის წევრების მიერ კანონის მიღებას. წინააღმდეგ შემთხვევაში, კოლექტიურად და სათითაოდ იქნებით პასუხისმგებლები პროცესების შემდგომ, სავალალო განვითარებაზე.

ხელმოსაწერად გადადით ბმულზე
ხელმომწერები

  1. საოჯახო მარანი ოდა - ქეთო ნინიძე
  2. მშვენიერაძეების მარანი - გიორგი მშვენიერაძე
  3. მარტვილის მარანი - ზაზა გაგუა
  4. მენაბდის მარანი - ვახუშტი მენაბდე
  5. ვაჟა გეთიაშვილის მარანი - რეზო გეთიაშვილი
  6. იაგოს ღვინო - იაგო ბიტარიშვილი
  7. ღვინის ოსტატები - ანდრო ბარნოვი
  8. ფაფრის ველი - ნუკრი ქურდაძე
  9. Latibashvili's Wine - ნოდარ ლატიბაშვილი
  10. ციხელიშვილის მარანი - ალექსი ციხელიშვილი
  11. ართანული ღვინო - კახა ბერიშვილი
  12. ოქროღვინო - ჯონი ოქრუაშვილი
  13. ხოხბის ცრემლები - ჯონ ვურდემანი
  14. ნიკოლაძეების მარანი - რამაზ ნიკოლაძე
  15. Aleko Sardanashvili's Marani - ალეკო სარდანაშვილი
  16. არჩილ გუნიავას მარანი - არჩილ გუნიავა
  17. ანემო - ანა გოდაბრელიძე
  18. მარანი „კალამი“ - მალხაზ ხარბედია
  19. გოგიტა მაკარიძის მარანი - გოგიტა მაკარიძე
  20. საოჯახო მეღვინეობა გებრალე - ვაჟა კასრელიშვილი
  21. ფანცულაიების საოჯახო მარანი - მურმან ფანცულაია
  22. მარანი ენკენი - ლაშა გურული
  23. ვაჩეიშვილის მარანი - ნიკა ვაჩეიშვილი
  24. ღვინტესტი - ვანო შიუკაშვილი
  25. მადამვაინი - მანანა ახვლედიანი
  26. ფრეიას მარანი - ენეკ პეტერსონი
  27. TDWinery - თენგიზ დვალიშვილი
  28. ჭორტაულის ვენახები - ალეკო ცქიტიშვილი
  29. კორტავების მარანი, თამუნას ღვინო - თამარ ბიძინაშვილი
  30. GOGO Wine, ქეთევან ბერიშვილი
  31. სამთავისის მარანი - მამუკა კიკვაძე
  32. ნები - ბექა ასლანიშვილი;
  33. ჭონას მარანი - მიხეილ ჭონიშვილი
  34. მარანი ველინო - ბექა ჯიმშელაძე
  35. ჩიტოს ღვინო - ნინო ჩიტოშვილი, ვანო მოსემღვდლიშვილი
  36. ნიკალას მარანი - ზურაბ მღვდლიაშვილი
  37. მეღვინეობა თილისმა - ქეთი ჰუბერტი
  38. ვარიანის მარანი - ივანე სტეფანაშვილი
  39. ღვინო ხვთისია - ზურაბ ხვთისიაშვილი
  40. რობის მარანი - რობი ზირაქაშვილი
  41. მეღვინეობა მალატი - თამარ გერლიანი
  42. მარანი ჩუბინი - თორნიკე ჩუბინიძე
  43. პატარიძის რაჭული - შორენა პატარიძე
  44. მარანი კლაკნი - ვლადიმერ ნაჭყებია
  45. თეთრი თუთა - ნათია ჩეკურიშვილი
  46. ლაფაურის ღვინო - დათა ლაფაური
  47. არბოს მარანი - შიო მაისურაძე
  48. თედოს მარანი - თედო გზირიშვილი
  49. მათიაშვილის მარანი - მერაბ მათიაშვილი
  50. ბუას მარანი - სანდრო ბუაძე
  51. ნათენაძის მარანი - გიორგი ნათენაძე
  52. ბიბინეიშვილების ღვინო - გიორგი ბიბინეიშვილი
  53. მავინო - მარინა კურტანიძე
  54. მამისეული მარანი - თამარ მოსიაშვილი
  55. ნადელები - გურამ მაისურაძე
  56. ღვინია - შალვა ალელიშვილი
  57. ქამოს მარანი - ლევან ქამუშაძე
  58. როჭოს ვენახები - თამარ ბოჭორიძე
  59. ბროლაძეების მარანი - ზაზა ბროლაძე
  60. Asatiani's Marani - ზვიად ასათიანი
  61. Mandzulas marani - სალომე მანძულაშვილი
  62. ბოლნური ღვინო - ვახტანგ ჩაგელიშვილი
  63. მირანდას ღვინო - მირანდა ჩხეტიანი
  64. ფერი ვაინს - რევაზ ცეცხლაძე
  65. მარანი სილოვანი - ლაშა სხვიტარიძე
  66. ორთა - თამარ ხვედელიძე
  67. კაპიტოს მარანი - ბესიკ ქარაბაკი
  68. ექიმის ბიო მარანი - მარიეტა კაკიაშვილი, თეიმურაზ რუაძე
  69. კომლი - ლია მეგრელაძე
  70. ახმეტის ღვინის სახლი - ანა იმედაშვილი
  71. ლოლაძეების საოჯახო მეღვინეობა - ერეკლე ლოლაძე
  72. ავალიშვილის მარანი - შმაგი ავალიშვილი
  73. Batsashvilis Wine Gallery - ილია ბაწაშვილი
  74. მეღვინეობა ჯორჯინო - გიორგი მეშველიანი
  75. ქვევრისეული - გიორგი მხატვრიშვილი
  76. ილიას მარანი - ილია მალაყმაძე
  77. ბუნებური - ალეკო ჯახუა
  78. ჟუკა-სანოს მარანი - თაკო ჟურული
  79. მუკუზანის მარანი - ნათია მანაგაძე
  80. Japara Winery - გუჯა ჯაფარიძე
  81. გოცირიძეების მეღვინეობა - ანდრო გოცირიძე
  82. ლაგვანი - სანათა წიწუაშვილი
  83. ზორბას მარანი - ბესიკ საბაშვილი
  84. ჩუბოს ღვინო - ლევან ჩუბინიძე
  85. ქართული მარანი - ირაკლი კობიძე
  86. ნინო მერის მარანი - ნინო მერის მაძღარაშვილი
  87. მარანი ლაგაზი - შოთა ლაგაზიძე
  88. ქილიფას ჭაჭა - ირაკლი ქილიფთარი
  89. მეღვინეობა დანო - ნონა მჭედლიშვილი
  90. ალაფიანი - მერაბ მირცხულავა
  91. სოფოს საოჯახო მარანი - სოფო მუჩიაური
  92. გოცას მარანი - ბექა გოცაძე
  93. მარანი ბარული - გიორგი მელაძე
  94. დემის მარანი-გულიკო ფანჩულიძე
  95. საჩინო- მაიკო კაციტაძე
  96. მარანი _ქიზიყური ტრადიციული  მარი ღვედაშვილი
  97. მარანი ხიდაშლები- ხატია ხიდაშელი
  98. პონგინო ვაინ გულნარა რომანაძე
  99. ღვინის ფოტოგრაფი-ტონო გიორგობიანი
  100. Tinatin Wine - თინათინ ჯახუა
  101. თორელი ვაინერი - ნიკა კავაჯიშვილი
  102. Miro Wines - ქეთევან ვაშაკიძე
  103. გია ჯამბერიძის საოჯახო მარანი - გია ჯამბერიძე
  104. ცანკას ღვინო - ნინო ცანკაშვილი
  105. გოდერძიშვილის მარანი - ელგუჯა გოდერძიშვილი
  106. ამირან ვეფხვაძის მარანი - ამირან ვეფხვაძე
  107. მარანი თვალადური - გიორგი რაზმაძე
  108. იასეს მარანი - გოგიტა მჭედლიშვილი
  109. ლომთაძის ოჯახის ღვინო - სოფიო სამთელაძე
  110. ხიდიშლები - ხატია ხიდიშელი
  111. ღვარძელაშვილის მარანი - გიორგი ღვარძელაშვილი
  112. მეღვინეობა შერმადინი - შოთა შერმადინი
  113. გიორგი რევაზიშვილის მარანი - გიორგი რევაზიშვილი
  114. Solomone - დავით ჩაჩანიძე
  115. მარანი ნანუა- გივი ჩუბინიძე
  116. გრემელაშვილის მარანი - დავით გრემელაშვილი
  117. ღვინო ქართლისა- დავით გრემელაშვილი
  118. სიმონ ჩხეიძის მარანი - მამუკა ჩხეიძე
  119. მზეტევანი - ზაურ ნაცვლიშვილი
  120. ხვანჭკარას ტერასა - მიხეილ მღებრიშვილი
  121. ნიკოლაიშვილების მარანი „ფესვები“ - ილია ნიკოლაიშვილი
  122. Tedzami Wines - გიორგი მალაციძე
  123. ირმას და კატოს ვენახები და მარანი - ირმა მერებაშვილი
  124. Fancy Wines - გიორგი პაროშინი
  125. პეტრიაანთ მარანი - რევაზ პეტრიაშვილი 
  126. ანთაძეების მარანი - ნიკი ანთაძე
  127. ვინთნერს ენდ ვაგაბონდს - ეიდენ რაფტერი
  128. ძველი ნეკრესი - ბესიკ გუგავა
  129. ნიაბის მარანი - ნიკო ბერიაშვილი
  130. ვახტანგ ფოცხვერაშვილი - შეთეს მარანი
  131. საამური - მაია ჭოხონელიძე
  132. Tiko Estate
  133. Spring Fields
  134. კარდანახის მამული
  135. გიორგის და ირაკლის მარანი
  136. ღვინის მწარმოებელი - მიხეილ დოლიძე
  137. ღვინის კლუბი - ნათია გაჩეჩილაძე
  138. ღვინის გიდი - ლელა ჯოჯუა
  139. ირაკლი ფრუიძე - "ჩვენი ღვინის" დამფუძნებელი
  140. ლევან სებისკვერაძე - ღვინის ჟურნალისტი​
  141. იას საოჯახო მეღვინეობა
  142. ქიზიყური ტრადიციული
  143. ბედისეული
  144. საამური - მაია ჭოხონელიძე
  145. G.Vino - ვახტანგ ხუცაიძე
  146. კობა ქვაჭრელიშვილი - ნაოტარი
  147. ახობაძეების მარანი - მერაბ ახობაძე

© ღვინის კლუბი/vinoge.com



ამ ხელმომწერების უკან დგას მევენახეების, მეღვინეების ოჯახები, თანამშრომლები,მეგობრები, თანამოაზრეები. ყრუები და ბრმები რომ იყვნენ ამ მიმართვის ადრესატები, მაინც გავაგონებთ და დავანახებთ ჩვენს სათქმელს და საქმეს! ჩვენ მოვიგებთ ომს!


გოცას მარანი


ნაოტარი - კობა ქვაჭრელიშვილი


Manavi Wines - გიორგი აივაზიანი

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული