სტიფადო

საჭირო მასალა: 1,5 კგ. ძროხის ან ხბოს ხორცი, 1 კგ. ხახვი, 1 ჭიქა წითელი მშრალი ღვინო, 1 ჭიქა ცხელი წყალი, 4 ცალი მწიფე პამიდორი, 1 ცალი დაფნის ფოთოლი, 2 კბილი ნიორი, რამდენიმე ტოტი როზმარინი, მარილი, წითელი წიწაკა– გემოვნებით, ზეთი– მოსაშუშად.

მომზადება: ძროხის ხორცი დავჭრათ მსხვილ ნაჭრებად. სქელძირიან, ღრმა ტაფაში გავაცხელოთ ზეითუნის ზეთი, ჩავყაროთ ტაფაში ხორცი და ყველა მხრიდან შევბრაწოთ. ხორცს შევურიოთ დაჭრილი ხახვი და ერთად ვშუშოთ. 5 წუთის შემდეგ დავამატოთ ღვინო, 1 ჭიქა ცხელი წყალი, კანგაცლილი, დაჭრილი პამიდორი, ნიორი, როზმარინი, დაფნის ფოთოლი, მარილი და წიწაკა. ტაფას დავახუროოთ სახურავი, ჩავუწიოთ ცეცხლს და ვშუშოთ მანამ, სანამ წვენი არ შესქელდება.  

© ღვინის კლუბი/Weekend