ქათამი ტარხუნით

საჭირო მასალა: 1 თავი ხახვი, 1 კბილი ნიორი, 2 ცალი ქათმის ფილე, 2 ს.კ. კარაქი, 1 ს.კ. ზეთი, 2 ს.კ. გამშრალი ტარხუნა, 100 მლ ვერმუტი, 150 მლ ქათმის ბულიონი, 150 მლ სქელი ნაღები, 2 სირჩა ლიმონის წვენი, მარილი, პილპილი – გემოვნებით.

მომზადება: ტაფაზე გავაცხელოთ თითო ს.კ. ზეთი და კარაქი, დავაწყოთ ზედ ქათმის ფილე და 5 წუთის განმავლობაში ორივე მხრიდან შევბრაწოთ. 1 ს.კ. კარაქი ცალკე გავადნოთ და დავაყაროთ 1 ს.კ. ტარხუნა. ტარხუნიანი კარაქი მოვასხათ ქათმის ნაჭრებს და მოვათავსოთ საცხობ ფორმაში. ვაცხოთ 180 გრადუსზე გახურებულ ღუმელში 15 წუთის განმავლობაში. წვრილად დაჭრილი ხახვი და ნიორი ცხიმში მოვშუშოთ, დავასხათ 100 მლ ვერმუტი, 150 მლ ბოსტნეულის ბულიონი, 150 მლ ნაღები და მოვაყაროთ 1 ს.კ. ტარხუნა, ვშუშოთ 5 წუთის განმავლობაში. დავუმატოთ პილპილი, მარილი და ლიმონის წვენი. ქათამი სუფრაზე სოუსმოსხმული მივიტანოთ.

© ღვინის კლუბი/Weekend