ლობიოს სუპი

საჭირო მასალა: 175 გ ლობიო, 1 ცალი პატარა ტკბილი წიწაკა, 100 გ ნიახური, 100 გ სტაფილო, 1 ჩ.კ. მარილი, 0,5 ჩ.კ. ცხარე წიწაკა, 1 თავი ხახვი, 20 მლ ზეთი, 100-150 გ წითელი პამიდორი, 1 კონა ოხრახუში, 100 გ პური.

მოზადება: ლობიო რამდენიმე საათით ცივ წყალში დავალბოთ, შემდეგ გადავღვაროთ, დავასხათ 1,5-2 ლ წყალი და 1,5-2 საათის განმავლობაში საშუალო ცეცხლზე ვხარშოთ. ლობიო მზად იქნება, როდესაც კარგად დარბილდება. წიწაკა დავჭრათ პატარა კუბებად, ასევე დავჭრათ ნიახური და სტაფილო, მოვათავსოთ

წვნიანში, დავუმატოთ ცხარე წიწაკა და ვხარშოთ 20 წუთი. დავჭრათ და მოვშუშოთ ხახვი. ბლენდერში გავთქვიფოთ წვნიანის ბოსტნეულისა და ლობიოს ნახევარი მოშუშულ ხახვსა და ბულიონთან ერთად და ჩავაბრუნოთ წვნიანში. დავუმატოთ კანგაცლილი და წვრილად დაჭრილი პამიდორი, 2-3 წუთი ვადუღოთ და მოვაყაროთ დაჭრილი ოხრახუში. სუპს მიირთმევენ გახუხულ პურთან ერთად.

© ღვინის კლუბი/Weekend