საჭირო მასალა: 1 კგ ატამი, 200 გ კარაქი, 3 ცალი კვერცხი, 200 გ შაქარი, 1 ჩ.კ. სოდა, 400-450 გ ფქვილი, 1 ს.კ. არაჟანი, 1 ს.კ. ატმის ლიქიორი, ვანილი – გემოვნებით, საფანელი და ცოტა კარაქი – ფორმისთვის.
ბეზესთვის – 1 ჭიქა შაქარი, 4 კვერცხის ცილა.
მომზადება: ფორმას წავუსვათ კარაქი და მოვაყაროთ საფანელი. მოვამზადოთ ცომი: კარაქი და შაქარი ავთქვიფოთ, დავუმატოთ კვერცხი, სოდაარეული არაჟანი, ატმის ლიქიორი, ვანილი და ფქვილი. ცომი მოვათავსოთ ფორმაში, ზედ დავაწყოთ გაფცქვნილი და დაჭრილი ატამი და 180 გრადუსზე გახურებულ ღუმელში შევდგათ. ცალკე ავთქვიფოთ 4 კვერცხის ცილისა და 1 ჭიქა შაქრის ბეზე. დაახლოებით 20 წუთში ნამცხვარი ნახევრად გამოცხვება, გავსინჯოთ ხის ჩხირის საშუალებით – ჩავარჭოთ ნაპირში, სადაც ატამი არ იდება და ცომი თუ არ ამოყვა, ზედ მოვათავსოთ ბეზე, შევდგათ ღუმელში და ვაცხოთ მანამ, სანამ ზემოდან არ შეიბრაწება.
© ღვინის კლუბი/Weekend
ბეჭდვა
თქვენი კომენტარი