მდნარი ყველი ხაჭოსაგან

საჭირო მასალა: 200 გ 9%-იანი ხაჭო, 0,5 ჩ.კ. სოდა, 2 ს.კ. არაჟანი, 1 კვერცხის გული, მარილი - გემოვნებით. დამატებით – 1 კბილი ნიორი, თითო ს.კ. წვრილად დაჭრილი კამა და ოხრახუში.

მომზადება: ხაჭოში ავურიოთ სოდა და დავდგათ 15 წუთი. ამ ხნის განმავლობაში 2-ჯერ ავურიოთ. ქვაბში მოვათავსოთ ხაჭო, არაჟანი (თუ 3 ს.კ. არაჟანს დავუმატებთ, მასა უფრო თხელი იქნება), კვერცხის გული და მარილი. ქვაბი დავდგათ ორთქლის აბაზანაზე და ვხარშოთ დაახლოებით 10 წუთი, თან ვურიოთ. როდესაც მასა ერთგვაროვანი გახდება, 1-2 წუთი კიდევ ვადუღოთ და გადმოვდგათ ცეცხლიდან. ყველის მასაში ავურიოთ დაჭრილი მწვანილი და დანაყილი ნიორი. გარდა ნივრისა და მწვანილისა, შეგვიძლია ჩვენი სურვილისამებრ შევურიოთ დაჭრილი ლორი, შებოლილი ორაგული და სხვა ინგრედიენტები.

© ღვინის კლუბი/Weekend