ვაშლის ნამცხვარი გამდნარი შოკოლადით

საჭირო მასალა:3 ცალი ვაშლი, 4 ს.კ. ფორთოხლის წვენი, 140 გ. დარბილებული კარაქი, 1 პაკეტი ვანილის შაქარი, 4 ს.კ. კონიაკი, ცხიმი და ცოტა შაქარი – ფორმისთვის, 100 გ შაქრის პუდრა, მარილი – გემოვნებით, 2 ცალი კვერცხი, 170 გ გაცრილი ფქვილი, 1 ს.კ. გამაფხვიერებელი ფხვნილი, 1 ს.კ. გახეხილი ფორთოხლის ცედრა, 2 ს.კ. რძე, 2 ს.კ. ნუში,  გამდნარი შოკოლადი – მოსასხმელად.

მომზადება: თითოეული ვაშლი 12 ნაჭრად დავყოთ, ამოვაცალოთ თესლი და დავაყაროთ ფორთოხლის ცედრა. 1 ს.კ. კარაქი გავადნოთ და ვაშლს მოვასხათ, დავამატოთ ვანილის შაქარი, კონიაკი და გავაციოთ. ავიღოთ 10 ცალი ცეცხლგამძე 200 მლ ტევადობის ფორმა, წავუსვათ ცხიმი და მოვაყაროთ შაქარი. დარბილებული კარაქი და შაქრის პუდრა კარგად ავთქვიფოთ მარილთან ერთად და თანდათანობით შევურიოთ კვერცხი. ფქვილში ავურიოთ გამაფხვიერებელი ფხვნილი და ისიც შევათქვიფოთ ცომს, დავამატოთ  რძეში არეული ფორთოხლის ცედრა და კანგაცლილი, დამტვრეული ნუში. მასა მოვათავსოთ ფორმებში და შევდგათ საშუალოდ გახურებულ ღუმელში დაახლოებით 20-25 წუთით. ნამცხვარი სუფრასთან მივიტანოთ ცივ მდგომარეობაში გამდნარ შოკოლადთან ერთად.

© ღვინის კლუბი/“Weekend“