ჯამბალაია

საჭირო მასალა: 1 დიდი თავი ხახვი, 3-4 კბილი ნიორი, 1 ცალი ტკბილი, ყვითელი წიწაკა, 100 გ ნიახურის ძირი, 4 ცალი ქათმის ბარკალი (თითო 120 გ), 2 ს.კ. ზეთი, 150 გ დაჭრილი ჩორიზო ან სხვა მსგავსი ძეხვი, 3 ს.კ. ტომატპასტა, 800 მლ ქათმის ბულიონი, 2-3 ს.კ. კრეოლური სანელებლების ნაკრები ან ბარბექიუს სანელებელი, 1 ქილა თავის წვენში დაკონსერვებული პამიდორი, 8 ცალი დიდი, გასუფთავებული კრევეტი, 1,5 ჭიქა გრძელი ბრინჯი, 5 ს.კ. ფორთოხლის წვენი, 2 ს.კ. თაფლი, მარილი, პილპილი – გემოვნებით.

მომზადება: ნიახური, წიწაკა და ხახვი დავჭრათ. ნიორი დავჭყლიტოთ. ქათმის ბარკლებს მოვაყაროთ მარილი და პილპილი. სქელძირიან ტაფაში ან ქვაბში გავაცხელოთ ზეთი, ჩავაწყოთ ქათმის ბარკლები და მაღალ ცეცხლზე ყველა მხრიდან შევბრაწოთ, შემდეგ ამოვიღოთ ქვაბიდან. ჩორიზო მსხვილად დავჭრათ, ჩავამატოთ ქვაბში და მოვშუშოთ. ქვაბიდან ამოვიღოთ ჩორიზო და ჩავყაროთ ბოსტნეული. დავუმატოთ ტომატპასტა და კიდევ 1-2 წუთი ვშუშოთ. დავასხათ 400 მლ ბულიონი და მოვაყაროთ კრეოლური სანელებელი. დავუმატოთ დაჭყლეტილი პამიდორი, ქათმის ბარკლები და ჩორიზო. ქვაბს დავახუროთ სახურავი და დაბალ ცეცხლზე 10 წუთი ვადუღოთ, დავასხათ დანარჩენი ბულიონი და წამოვადუღოთ. დავაყაროთ ბრინჯი, კრევეტები 15 წუთი ვადუღოთ თავახდილი, შემდეგ ამოვურიოთ, დავახუროთ სახურავი და კიდევ 10 წუთი ვხარშოთ. დავუმატოთ თაფლი, ფორთოხლის წვენი, გამოვრთოთ ცეცხლი და 10 წუთი გავაჩეროთ.

© ღვინის კლუბი /Weekend