9 ივნისს საქართველოს პარლამენტის ეროვნული ბიბლიოთეკის მესამე კორპუსში ჩატარდა საქართველოს ღვინის კლუბის მორიგი საჯარო ლექცია - ქართული მევენახეობა - დღევანდელობა და პერსპექტივები. ლექციას უძღვებოდა მევენახეობის ამპელოგრაფი, ღვინის ეროვნული სააგენტოს ვენახების აღრიცხვისა და ანალიზის სამმართველოს სპეციალისტი, თამაზ კობაიძე.
მომხსენებელმა ჩამოაყალიბა საკუთარი შეხედულებები საქართველოში მევენახეობის კულტურის გენეზისთან და განვითარებასთან დაკავშირებით. მან არქეოლოგიური კვლევების შედეგად აღმოჩენილი მტკიცებულებები (ყურძნის წიპწები) განიხილა ბიბლიის წიგნების კონტექსტში, კერძოთ, ნოეს ისტორიასთან კავშირში, რამდენადაც ნოე პირველი ადამიანია ბიბლიის მიხედვით, ვინც მევენახეობითაა დაკავებული. თამაზ კობაიძემ, აგრეთვე, ისაუბრა ყურძნის იმ ჯიშების შესახებ, რომელიც საქართველოს ამპელოგრაფიის აქამდე გამოცემულ ნარკვევებში არ არის დაფიქსირებული.
© საქართველოს ღვინის კლუბი, ღვინის საინფორმაციო ცენტრი
ბეჭდვა
თქვენი კომენტარი