კრიზისის შედეგები ამერიკის ბაზარსაც დაეტყო

მსოფლიო ეკონომიკური კრიზისის შედეგები მძიმედ აისახა ამერიკელ მეღვინეთა საქმიანობაზეც. კალიფორნიის ღვინის ინსტიტუტის მონაცემებით, გასული წლის განმავლობაში ღვინის ექსპორტი საერთო ჯამში 15%-ით შემცირდა, მათ შორის ევროკავშირის ტერიტორიაზე - 22%-ით. თუმცა, მიუხედავად ასეთი სტატისტიკისა, ბოლო კვარტალში იმედისმომცემი შედეგებიც დაფიქსირდა – ღვინის ექსპორტმა ზრდა დაიწყო და მისმა მაჩვენებელმა 16%-ს მიაღწია. საგრძნობლად გაიზარდა ჩამოსასხმელი ღვინის ექსპორტი იაპონიაში – საერთო ჯამში გასულ წელს ღვინის ნედლეულზე მოთხოვნამ იქ 42%-ით მოიმატა.