მსოფლიოს წამყვანი ალკოჰოლური კომპანიების პროდუქციის გაყიდვები მნიშვნელოვნად შემცირდა duty free –ს მაღაზიების ქსელში – ასეთი მონაცემები გამოაქვეყნა თავის ყოველწლიურ რეიტინგში ავტორიტეტულმა სააგენტომ International Wine & Spirits Research (IWSR). კვლევის შედეგებმა ცხადყო, რომ მსოფლიოს ათმა ლიდერმა ალკოჰოლურმა კომპანიამ უბაჟო ვაჭრობის მაღაზიებში უარყოფითი შედეგებით დაასრულა წელი. სპეციალისტების თქმით, duty free –ს მაღაზიების ქსელში გაყიდვების მაჩვენებლების მიხედვით ლიდერობს ვისკი Johnny Walker (Diageo) - 1,5 მილიონი 9 ლიტრიანი კეისით, რაც 2008 წელთან შედარებით 7,7%-ით დაბალი მაჩვენებელია. მეორე ადგილზეა არაყი Absolut (Pernod-Ricard) - 850 ათასი კეისი (20,3 %-ით დაბალი მაჩვენებელი), მესამე ადგილზე Martini (Bacardi-Martini) - 607 ათასი კეისი (7,4%-ით დაბალი მაჩვენებელი). საერთო ჯამში, ტოპ 50-დან 11 პოპულარულ სასმელს კომპანია Pernod-Ricard აწარმოებს, ცხრას კი – კომპანია . IWSR –ს მონაცემთა მიხედვით, duty free-ს ქსელის ყველაზე პოპულარულ სასმელთა შორის მხოლოდ კონიაკ Henessy (LVMH) აქვს გაყიდვების 5,1%-იანი ზრდის მაჩვენებელი. ექსპერეტები ამ ფაქტს იმით ხსნიან, რომ აღნიშნული კომპანიის წარმომადგენლები ბოლო დროს საგრძნობლად გაატქიურდნენ აზიურ ბაზარზე, რომელსაც ეკონომიკური კრიზისი ნაკლებად შეეხო.
ბეჭდვა
თქვენი კომენტარი