აქციზების ფასის მომატების პოლიტიკას აკრიტიკებენ

"ჩვენ ხაზი გავუსვით ლუდის მრეწველობის წვლილს ევროპის ეკონომიკაში, შრომით მოწყობაში, გადასახადებში, კოლექტივებს შორის ურთიერთობათა გამყარებასა და ალკოჰოლიზმთან ბრძოლაში. ჩავატარეთ სამართლიანი დებატები ისეთ საკვანძო საკითხებზე, როგორიცაა დაბეგვრის სისტემის გაუმჯობესების აუცილებლობა”- აღნიშნა და პონტემ შეხვედრის დასასრულს. როგორც კომპანია PricewaterhouseCoopers ვარაუდობს, ლუდზე გადასახადის 20%-იანი ზრდა ბევრი ლუდსახარშის დახურვას და ათეულ ათასობით ადამიანის სამუშაო ადგილის გარეშე დარჩენას გამოიწვევს. შეგახსენებთ, რომ 2009 წელს, წარმოებული ლუდის რაოდენობის მიხედვით, ევროპამ პირველად დაუთმო აზიას ლიდერობა. მიმდინარე წელს აზიურმა კომპანიებმა 58.67 მილიონი კილოლიტრი ლუდი აწარმოეს, რაც გასული წლის მაჩვენებლებთან შედარებით 5,5%-ით მეტია. ევროპამ კი პირიქით, იმავე პერიოდში ლუდის წარმოება 5, 1%-ით შეამცირა.