4-6 მარტს გერმანიის ქალაქ დიუსელდორფში ღვინის ტრადიციული გამოფენა-ბაზრობა ProWine 2012 გაიმართა. წელს ღონისძიებაში მონაწილეობას 50 ქვეყნის ალკოჰოლის მწარმოებელი 300-ზე მეტი კომპანიის 3 800 ნიმუში იღებს. სეზონის სიახლეა პალმის არაყი შრი-ლანკიდან, კომპანია Ziegler-ის ახალი ვისკი Aureum 1865 და გერმანიის, საბერძნეთის, საფრანგეთისა და ავსტრიის მიერ წარმოებული ბიო-ღვინოები. ProWine-ს ფარგლებში, მომხმარებელთა და პროფესიონალთათვის, ყოველწლიურად იმართება საერთაშორისო სემინარები. წლევანდელ პროგრამაში გათვალისწინებული იყო მასტერ-კლასების ჩატარება თემებზე: ”ღვინის საუკეთესო მეგობრები” (ანუ კერძისა და ღვინის შეხამების კულტურა), “გააკეთე თვითონ” (სადაც საუკეთესო ბარმენები კოქტეილების, ნაყენების, ლიქიორების შექმნის ხელოვნების საიდუმლოებებს გააცნობენ დამსწრეთ) და სხვ. ქალაქ დიუსელდორფის რესტორნებში განხორციელდა პროგრამა “ProWineქალაქში გამოდის”.
© ღვინის კლუბი/Weekend
ბეჭდვა
თქვენი კომენტარი