საყოველთაოდ აღიარებული ბრენდი Bacardi150 წლის იუბილეს აღნიშნავს. კომპანიის მესვეურები ამ თარიღთან დაკავშირებით მსოფლიო მასშტაბით უამრავი საინტერესო ღონისძიების გამართვას, მათ შორის, უნიკალური სასმელის ჩამოსხმას გეგმავენ. იუბილეს აღსანიშნავი პირველი წვეულება 28 იანვარს გერმანიაში, 1 თებერვალს კი კანადაში გაიმართა. 4 თებერვალს იუბილე ამერიკის შეერთებულ შტატებში, ლათინურ ამერიკაში, ევროპასა და აზიაში აღინიშნება. საზეიმოდ კი Bacardi-ს ნამდვილად აქვს საქმე - 1862 წლიდან, ანუ კომპანიის დაფუძნებიდან მოყოლებული, Bacardi-ს რომის გამოყენებით 365 მილიარდი კოქტეილია მომზადებული. როგორც უკვე აღვნიშნეთ, კომპანია იუბილესთან დაკავშირებით სასმელის ჩამოსხმასაც გეგმავს. ეს არის უნიკალური, ლიმიტირებული სერიის რომი Ron Bacardi de Maestros de Ron,რომლის შექმნაში მონაწილეობაც კომპანიის რვა სახელგანთქმულმა ოსტატმა მიიღო. მუხის კასრებში 20 წლის დაძველებული რომის საუკეთესო სახეობების კუპაჟის შედეგად მიღებული სასმელი 500 მილიგრამიან ბროლის ბოთლებში, სულ 400 ცალია ჩამოსხმული და ერთი ასეთი ბოთლი რომი 2 ათასი დოლარი ღირს.
© ღვინის კლუბი/Weekend
ბეჭდვა
თქვენი კომენტარი