Home
ქართული | English
სექტემბერი 2019
ორშსამოთხხუთპარშაბკვი
2627282930311
2345678
9101112131415
16171819202122
23242526272829
30123456

მულტიმედია

კომენტარები

სატრაპეზო, საფერავი, თელავის მარანი, 2007

ამ ღვინოში კარგადაა შერწყმული ერთმანეთს ტრადიცია და თანამედროვეობა. სოფელ კონდოლში გაშენებული ბებერი ვაზიდან ჩამოკრეფილი ყურძნიდან თანამედროვე ღვინის დაყენება სწორედ ამას ნიშნავს, ამავე დროს, იგი ტრადიციული წესით, ქვევრშია დადუღებული და შემდეგ, როგორც ბევრი თანამედროვე ღვინო, ახალ მუხის კასრებშია დაძველებული. ძალზე ცოცხალი შინდისფერი აქვს და ეფექტური სურნელებით გამოირჩევა, სადაც საუკეთესო საფერავისთვის დამახასიათებელი შავი კენკრის ტონების გარდა დაფნისა და სუნელ-სანელებლების არომატებიც ჩნდება. გემოზე რბილია, მუხა უკვე კარგადაა შერწყმული ღვინის სიძლიერესთან და ხასიათთან. დაბოლოებაში ნიგვზის ტონებიც ჩნდება, რაც აგვირგვინებს პირველ შთაბეჭდილებებს.

© ღვინის კლუბი/Weekend



ალბათ ყველასთვის (მაგრამ განსაკუთრებით ჩვენთვის ვინც ქვეყნის გარეთ ვცხოვრობთ) საინტერესო იქნებოდა თუ ამ ღვინოების ასეთ მშვენიერ დახასიათებას ფასებსაც დაურთავდით . ალბათ ზოგიერთი ადგილობრივ ბაზარზე არ იყიდება, მაგრამ ურავლესობის ყიდვა თბილისის ღვინის მაღაზიებში შეიძლება და ბოთლი ღვინის ღირებულებაც საინტერესო იქნებოდა. მივბაძოთ Decanter-ს და Wine Spectator-ს. :) მადლობთ, ნაოტრელი


მადლობა ნაოტრელო :) სხვათა შორის,დავიწყეთ თუ არა ამ დახასიათებების გამოქვეყნება, მაშინვე შევთავაზე მაღაზია "ღვინის სამყაროს" მფლობელს, ბ–ნ ვაჟას, რომ კონკრეტული ღვინოების გასაყიდი ფასები მოეწოდებინა, მაგრამ ჩვენი კარგი მეგობრული ურთიერთობის მიუხედავად, მან რატომღაც უარი თქვა ასეთ თანამშრომლობაზე, რომელიც, რა თქმა უნდა, პირველ რიგში მის მაღაზიას წაადგებოდა. მას შემდეგ, აგერ უკვე რამდენიმე თვეა, ვერ გადამიწყვეტია, სადისტრიბუციო ფასი დავწერო ღვინისა თუ მაღაზიის :) სხვათა შორის, ყველა მაღაზიას თავისი პროცენტი აქვს, შესაბამისად ერთიდაიგივე ღვინის ფასი სხვადასხვა მარაზიებში 1–დან 5 და მეტ ლარამდე განსხვავებას იძლება. მოკლედ, იანვრის ბოლოს–თებერვალში მაინც, იმედი მაქვს მივიღებ საბოლოო გადაწყვეტილებას :))


დიდი მადლობა მალხაზ :) მეც ეგ ვიფიქრე, იქნებ რომელიმე ცნობილი და "კვალიფიციური" მაღაზიის ფასები აიღოს მეთქი. ალბათ განსხვავება ყოველთვის იქნება მაგრამ სტაბილური და თანაც დაბალი ფასები უნდა იყოს მაგის წამალი :)...გუდვილს აქვს ღვინოები?

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.