სააღდგომო ნამცხვარი ლიმონის ჯემით

საჭირო მასალა: 250 გ ფქვილი + 150 გ საფანელად, 1 სავსე ს.კ. გამაფხვიერებელი, 125 გ კარაქი, 1 ცალი კვერცხი, 80 გ შაქარი, 500 გ ლიმონის ჯემი, 1 შეკვრა ვანილის შაქარი, 1 ცალი ლიმონი, 150 გ შაქრის პუდრი.

მომზადება: გამაფხვიერებელი ფქვილში ავურიოთ. დავუმატოთ დაჭრილი კარაქი, კვერცხი, ვანილის შაქარი, მოვზილოთ ცომი, გავახვიოთ ცელოფანში და 30 წუთით მაცივარში მოვათავსოთ. ცომი ფქვილმოყრილ ზედაპირზე 2-3 მმ სისქეზე გავაბრტყელოთ და 5-7 სმ დიამეტრის წრეები ამოვჭრათ. უნდა მივიღოთ დაახლოებით 50 ცალი წრე. ცომის ნაჭრები მოვათავსოთ ქაღალდჩაფენილ თუნუქის ფურცელზე და 180 გრადუსზე გახურებულ ღუმელში 8-10 წუთის განმავლობაში ვაცხოთ. ნამცხვრები გავაგრილოთ. ლიმონის ჯემი ოდნავ შევათბოთ. ლიმონი გავჭრათ, ნახევარი გავწუროთ, დავუმატოთ შაქრის პუდრი და მოვამზადოთ მინანქარი. ნამცხვრები შუაზე გავყოთ. ერთ ნაწილს ძირზე წავუსვათ ლიმონის ჯემი და მეორე ნაწილი დავაფაროთ. მოვრთოთ ლიმონის მინანქრითა და ლიმონის ცედრით.  ზემოდან შეგვიძლია ასევე მოვაყაროთ შაქრის პუდრი.

 © ღვინის კლუბი /Weekend