გვირგვინი ჩირებით

საჭირო მასალა: 150 გ სხვადასხვა ჩირეული (ქიშმიში, ლეღვი, გარგარი, ქლიავი  და სხვა), 80 გ დარბილებული კარაქი, 200 მლ რძე, 1 ნაჭერი (45 გ) ახალი საფუარი, 500 გ ფქვილი + ცოტა საფანელად, 60 გ შაქარი, მწიკვი მარილი, 2 ცალი კვერცხი, 1 კვერცხის გული, 3 ს.კ. სქელი ნაღები, შაქრის პუდრი - მოსართავად.

მომზადება: ჩირები წვრილად დავჭრათ. კარაქი გავადნოთ, რძე შევათბოთ. რძეში გავხსნათ საფუარი თასში ჩა ვყაროთ ფქვილი, შაქარი და მარილი. გამდნარი კარაქი, კვერცხი, ჩირები და რძეში გახსნილი საფუარი დავუმატოთ მშრალ ინგრედიენტებს და მოვზილოთ ცომი. შემდეგ ჩავდოთ თასში, გადავაფაროთ ხელსაწმენდი და დავდგათ ასაფუებლად. როცა ცომი ორჯერ გაიზრდება მოცულობაში, დავწნათ ან სასურველი გვირგვინის ფორმა მივცეთ და ქაღალდდაფენილ თუნუქის ფურცელზე მოვათავსოთ. ნაღები და კვერცხის გული ავურიოთ და გვირგვინს ზემოდან წავუსვათ. სააღდგომო გვირგვინი გამოვაცხოთ 200 გრადუსზე გახურებულ ღუმელში 30-40 წუთის განმავლობაში. გაგრილებულ ნამცხვარს შაქრის პუდრი მოვაყაროთ.

© ღვინის კლუბი /Weekend