საქართველოს გარემოს დაცვისა და სოფლის მეურნეობის სამინისტროს გადაწყვეტილებით, მცირე მარნები ადგილობრივი ბაზრისთვის განკუთვნილი ალკოჰოლური სასმელების შესაბამისობის სერტიფიკატის გაცემის საფასურისგან გათავისუფლდებიან.
მიუხედავად იმისა, რომ 1 სექტემბრიდან შესაბამისობის სერტიფიკატის გაცემის მომსახურება ფასიანი გახდა, მცირე მარნებისთვის აღნიშნული სერვისი უფასო იქნება. გარემოს დაცვისა და სოფლის მეურნეობის მინისტრის, დავით სონღულაშვილის განცხადებით, ეს გადაწყვეტილება უშუალოდ მცირე მარნების წარმომადგენლებთან კონსულტაციების შედეგად მიიღეს.
მინისტრის თქმით, ცვლილება მიზნად ისახავს მცირე მარნების განვითარების ხელშეწყობასა და ქართული ღვინის კონკურენტუნარიანობის ზრდას.
ამასთანავე, უწყება ხაზგასმით აღნიშნავს, რომ სერტიფიცირება კვლავ სავალდებულო მოთხოვნად რჩება ყველა მწარმოებლისთვის, რათა ბაზარზე პროდუქციის მაღალი ხარისხი და მომხმარებლის უსაფრთხოება იყოს უზრუნველყოფილი.
აღნიშნული შეღავათი ძალაში შესაბამისი სამართლებრივი პროცედურების გავლის შემდეგ შევა.
© ღვინის კლუბი/vinoge.com
ბეჭდვა
თქვენი კომენტარი